MAEHE ARA POUTU TE RANGI O TE TAU, 1923.

Toa Takitini, Issue 20, 1 March 1923, Page 17

MAEHE ARA POUTU TE RANGI O TE TAU, 1923.

TE AROHA 0 RANGI-NUI KIA PAPA-TUA-NUKU. Ko OTAMARAKAU Te Whetu kei te arahi i te hauku kia tau ki runga ite whenua. Nga whakaaturanga ate mara mo nga pai me nga kino o enei ra e 31. Turn 3.2.54 P.M. Kei te titakataka te pai Tangaroa 10.6. A.M. He paki enei ra. Whiro 8.12.21 A.M. He paki enei ra. Tamatea 26.4.12 A.M. He ua kei te haere. 1. TAITE. Hotu.-—He po tuna tenei. Kei te ngaru te moana. 2. PARAIRE. Atua. He ra whakahaehae tenei. 3. HATAREI. Turu. —Te tai awatea mo te mataitai. 4. RATAPU. TUA TORU O RENETI. 5. MANE. Rakau-matohi. Kei te taautanga otera te tai pai mo to mataitai. 6. TUREI. Takirau. Ite atatu kite awatea he pai. 7. WENEREI. Oike.—l te atatu he tai pakihi mo te kai moana. 8. TAITE. Korekore-hahani.—He ahua ngawari tenei ra. 9. PARAIRE. Korekore-piri-ki-Tngaroa. Ka kai te tuna i waenga* nui po ki te ata. 10. HATAREI Tangaroa-a-mua. Me hi me rau te ika, e wha enei ra tino pair. He po tuna. 11.. RATAPU. TUA WHA O RENETI. 12. MANE. Tangaroa-kiokio. He pukohu a uta he moana kai. 13. TUREI. Otane.—He po tuna tenei me hi me tuku. 14. WENEREI, Orongonui. Ka rere te inanga o Poututerangi. Ata tirohia. 15. TAITE. Mauri.—He hinapouri tenei hiia te tuna. Ite ata kite ra poupou he pai. 16. PARAIRE. Omutu. —He ra kino tenei. Tikina nga kai moana ito taiawatea. 17. HATAREI. Mutu-whenua. Torona atu i nga kai o tatahi i te tai awatea, pukai noa! 18. RATAPU. TUA RIMA O RENETI. 19. MANE. Ti rea, He ra kino ano hoki tenei mo te mahi kai. 20. TUREI. Hoata. —Ka kitea nuitia te marama kua ahua pai ake. 21. WENEREI. Oenuku.—Mahia nga mahi he poto noa te pai. He po tuna mo te hinaki. 22. TAITE. Okoro. —He po tuna ano tenei. Ite ra poupou ki te ra to he pai. 23. PARAIRE. Tamatea-kani. Kei te au te moana. He ra kino. 24. HATAREI. Tamatea-kai-ariki. He ahua ngawari tenei ra. 25. RATAPU. I MUA O RENETI. 26. MANE. Huna.— He huna kai tenei ra, engari he po tuna. 27. TUREI. Ariroa.—He ra pai tenei mo te wero tuna. 28. WENEREI. Maure. —He pai ite ata kite ahiahi. 29. TAITE. Mawharu. Me pouraka te koura ka pai te mate. 30. PARAIRE. Ohua. He ra tino pai tenei. 31. HATAREI. Hotu. He po tuna tenei. KIA TUPATO. Ko nga tikanga nunui o tenei marama ko te Hauhakenga i nga kai. Mo te kumara kia pai kei maru ka pirau. Ko te wahi tenei o te tau i wehea mai he mahinga i te kai ki roto i nga pataka. Kei konei te hua o tau mahi o tau mahi te whakautua makai ki ta tou ringa me tou kaha ki te whakato i kiia ai ** Ko tau e whakato ai ko tera ai ano tau e kokoti ai.” Hei tenei wa harikoa ai te ahuwhenua, pouri ai te mangere, kurapa noa ai te kuare. Ko nga karaihe paare kai hipi. Lucerne, ka mutu te rui i tenei marama. Me whakato nga kakano riki matamua me nga kakano kapeti me era atu puha ote kaari. Ka mutu te rere o te inanga i tenei marama. Kei te pai nga tohu mo te hi ite ika mete whakaeke ki nga tauranga. Kei tepai nga tohu mo nga kai mataitai e putu mai ra i te papa, o te moana.