KOHATU O HENARE WEPIHA TE WAINOHO.
ITAE a Hon. A. T. Ngata raua ko Peneti ki Nepia kia kite i nga tangata mahi o te Kohatu mo Henare i te Taite Pepuere 22. Ko nga whakapaparanga o raro kua tae mai, engari ko te tangata mo runga kaore ano kia rangona atu awhea tae mai ai. Kei nga tangata o Itari te whakaroa. He marama tae katoa mai enei. Engari te ahua kua kore i tere te tu te kohatu o Henare. (He kupu apiti. Me kohumuhumu e au tenei kupu ki aku rangatira maha o Ngati Kahungungu ki Te Wairoa. I mea atu au kia Apirana 44 E hoa kua rongo ahau kei te awangawanga a Ngati Kahungungu mo te moni a te Kawanatanga i whakaari ai hei awhina i te kohatu o Henare. Ina ra i raruraru ai na nga puehu ote pooti.’* Ka whakahokia mai e Apirana: 44 Kaore te puehu e rere tonu ana. He wa ano tona kua tau. Mo te kohatu o Henare, koina te matua o - a tatou tamariki katoa. E tika ana kia whakaaro katoa tatou ki tona tohu whakamahara. Mo te kupu awhina a te Kawanatanga, kaore tena kupu e taea te takahi. Ka taea te whakaputa o taua moni.i roto i nga ra o Maehe nei o Aperira ranei. Kei te wa tonu e rite ai te kohatu. Kia ora a Apirana mo enei korero tika, pai atu hoki. Kia ora hoki koutou e Hika ma o Te Wairoa o Mohaka. Kua mutu te awangawanga.—Na te Etita.)
Permanent link to this item
https://paperspast.natlib.govt.nz/periodicals/TOATAK19230301.2.20
Bibliographic details
Toa Takitini, Issue 20, 1 March 1923, Page 15
Word Count
257KOHATU O HENARE WEPIHA TE WAINOHO. Toa Takitini, Issue 20, 1 March 1923, Page 15
Using This Item
See our copyright guide for information on how you may use this title.
Log in