KEI NGA KURA NUNUI.

Toa Takitini, Issue 17, 1 December 1922, Page 16

KEI NGA KURA NUNUI.

Tokorua nga tamariki o Te Pihopatanga o Waiapu kei te Kura nui University) i Christchurch. Ko te tamaiti tane matamua a P. Peneti, Minita me te tamaiti aH.M. Te Awarau o Waipiro Bay. Ko te tamaiti a Peneti kei te whai i tetahi taitara mona mo nga mahi hiko (Electric Engineering) ko ta Te Awarau kei te whai i nga matauranga mo te taha roia. Tokorua enei tamariki he toa anake mo te purei whutu-paoro. Ite pureitanga ki nga tamariki o Ahitereria na raua anake nga paina mo Nu Tireni. Ka rua nga tau ota Peneti tamaiti ki reira a e toru nga tau e tae ana katahi ano ka paahi. Ko ta Te Awarau ka kotahi tau ki reira, a e toru e wha ranei tau kei muri ka paahi ai. He mahi taumaha te rapu i nga taitara mo nga turanga i roto i nga kura o te matauranga. Kua maha enei tau e noho noaiho ana nga tamariki Maori kaore i hiahia ki te haere ki nga kura nunui. Katahi nei ano ka whia atu enei tamariki i era huarahi. Ko te tumanako kia tokomaha o a tatou tamariki e haere i era huarahi. Ko te whai uaua ki etahi kei te nui ote utu* Neke atu ite £IOO ite tau e pau ana mo era kura, Enei tamariki e noho mai nei inainei i te University ko tetahi wahi o nga raruraru kei te Kawanatanga, Nareira mehemea tera ano etahi tamariki kua paahi i te Matriculation i tend tau a e hiahia ana ki te haere ki tetahi Kura nui, whakaaturia ki to Mema to hiahia, tukuna mai ranei he kupu kite Etita o PeToa Takitini a mana e whakaatu nga tikanga.