TA TATAU PEPA.

Toa Takitini, Issue 16, 1 November 1922, Page 1

TA TATAU PEPA.

NA PARATENE NGATA.

MEHEMEA e pai ana utaina atu enei kupu, he 1 wero naku ki era pu-mahara, e noho whaka- ”—-—= mokeke mai ra i o ratou wahi. E hoa ma r ! tena ra koutou. E whakaoho ana ahau i a J| koutou, kia huri mai, kia whawha tahi ki te take nei> ara : I. E pehea ana koutou ki nga take, i korerotia e to tatou whanaunga e Mr. Desha, i panuitia i te nama 10 o Te Toa Takitini ? 2. Me noho noa ranei tatou, kaua e ara ki runga, e korikori ki te mahi, ite mea kua takoto mai te huarahi heihaerenga? Heoi ka marama koutou kite take nei. Tena homai nga whakaaro kaha e oho ai te katoa ki te hapai i nga tikanga e tu ora ai te iwi Maori i roto i te wa a te pakehatanga. Kaore au i te wero atu ki nga tangata e tu motuhake ana mona ake, kaore mo te iwi. I oho oku whakaaro i taku kitenga i aua korero a Mr. Desha, a i whakatakotoria e ahau ki te aroaro o nga tangata whaiwhakaaro, a i manaakitia e ratou, a i tautokona. Engari no te wa i whakatinanatia ai, ka orua mai ki roto te Wakataua e to nei he tau he tau, ara te Tahua Oranga Minita Riro atu ana i taua Waka-taua 1348 eka whenua, te warm Kawanatanga o tenei wa mo taua whenua ,£6,333. Papa noa maua ko taku take kite marae. Ka rite au ki te tangata i pupuhi i te manu, no te takanga, tau ke kite aroaro o tetahi tangata. Ko te manu ka kohia ki te kete

ate tangata ke, Otira i mohio tonu nga kai-whakatau he tuakana tera take no taku. Noreira i tika ai ki tera. E boa ma kei te whakahaere tonu matou i taua take. I penei te ahua kia tu he komiti nui i kowhiria o te robe ake o Waiapu. Ma ratou e whiriwhiri mo tenei ahua: me taake ranei nga moni hua o te tau o nga pa amu hipi-a-iwi, me nga moni reti o nga whenua riihi, nga moni utu kai-mahi o nga teihana, me hoko mai ranei he poraka whenua, me ma roto i te mahi whakaropu, whakawhitiwhiti paanga whenua o Waiapu. Kaore ano i tutui u enei ahuatanga, tera ano e whakaaturia ina oti. Ahakoa enei whakahaere a matou, otira kei te whai atu au ki nga whakaaro a koutou, kia whiriwhiri tab! mo tenei take, a kia rite te hapai a te katoa. Heoi i te mea kei te mohio tatou ko te Kura anake te huarahi e taea atu ai nga tikanga ate Pakeha, i ora ai ia; no reira kia kaha te manaaki i nga Kura Maori,-kia whanui te titiro atu ki Fe Aute Kareti, me Hukarere, me era atu Kura e whangai nei i nga tinana me nga hinengaro o a tatou tamariki, mo te taha tinana mete taha wairua. Ka huri ake au ki aku hoa. E hoa ma, ngaro whakarere koutou i popoke nei kite tapa ingoa mo te pepa. Kei whea koutou e ngaro ana ? Naku koutou i whakamahi mo te Tiriti o Waitangi. Kaore au i mea mo te pai o te ingoa, engari mo nga iwi nunui o te motu e okioki ana kite Tiriti, hei whakatata mai kite manaaki iie pepa. Na nga tangata o te pepa i hiki kite tikanga pooti, koia tena. Kia ora katoa koutou. Ka web) au mo te roa o tenei reta, Kaua e riri. He korero na tetahi o koutou morehu koroheke e noho atu nei i Waiomatatini.