HINOTA O WAIAPU.

Toa Takitini, Issue 16, 1 November 1922, Page 13

HINOTA O WAIAPU.

I te tuunga o te Hinota o Waiapu i te niarama ka tana nei, tera etahi take i whakahaeretia e pa ana ki te taha Maori* I. KORE MiNITA. I whakaatu te Pihopa ki te nui rawa o nga panha Maori kua kore he Minita, i te kore o nga tamariki Maori e hiahia kite mahi Minita. Kotahi tonu te tamaiti o tenei Pihopatanga katoa kei te Kuraminita i Akarana i tenei wa. I puta te whakaatu a te Pihopa tera ia e tono i etahi Minita pakeha o Ingarangi kia haere mai hei minita mo nga takiwa Maori2. KURA Minita KI Te Aute. I whakaatu ano te Pihopa tera e whakaritea he whare i Te Aute mo nga tamariki kua mutu te kura engari e whakaaro ana ki nga whakamatautauranga o te mahi Minita. kia noho conu ai i Te Aute ara kia rua ai nga wahanga o Te Aute, ko te taha ki nga matauranga, ko te taha kite mahi minita. 3. TAHUA MINITA. I puta te mihi aTe Pihopa mo nga Tahua Oranga Minita me tana whakahau kia ata tirotirohia ka whakaeke haere ano nga mea kei te mate. 4. Whakaritea. I whakaritea kia haere etahi o nga kai-whakahaere ki roto ki nga pariha Maori whakatikatika haere ai i nga ahuatanga katoa o te pariha, mete whakamarama haere i nga Tahua oia pariha oia pariha. Kua whakaritea ma Atirikona Himikini raua ko Peneti taua mahi. Hei nga ra o Pepuere timata ai. 5. UPOKO Mo TE TAHA MAORI. I whiriwhiria te take a Hera Manaro i whakatakoto ai kite Hui a nga Minita Maori, ara kia whakaritea he tangata kotahi hei upoko whakahaere mo te taha Maori o te Pihopatanga katoa i raro ite Pihopa. Kua whakaae te Pihopa ki te whiriwhiri i tana take. 6. POOTI WAIPIRO. I paahitia he motini mo te waipiro, ara he inoi ki nga tangata o te Hahi katoa kia kaha ki te turaki ite waipiro i tenei pooti nui e takoto mai nei i a Tihema,

7. WAHINE TUATAHI MO TE HI NOT A. No te Hinota Topu i tu ki Akarana i te timatanga o tetau nei, ka paahitia he tare hou mo nga wahine kia whakaaetia hei mangai ki roto i nga mahi o te Hahi, araturanga Komiti Hahiwatene, mema mo te Hinota. Katahi ano nga wa' hine ka whakaaetia mo enei turanga. Te wahine tuatahi i pootitia mo te Hinota ko Hera Manaro o Rotorua. 1 mihi te Pihopa mo te kakama ote Maori kite whakatu i te wahine teatahi rawa hei noho i roto i te Hinota. 8. Te tau mo NGA pariha Maori. Ko te tau a te wahanga Maori o te Hahi kua whakahokia mai ki nga ra o Tihema. I mua atu kei te 31 o Maehe ka huri te tau ate Hahi. Inaianei kua waiho atu te tau a nga pariha pakeha mo te 31 o Maehe ka huri ai. engari nga pariha Maori hei te 31 o Tihema. Kua taunga nga Maori kite mutu ote tau i te 31 o Tihema, i mnga i nga mahi paamu me era atu mahi i takoto ai nga kaute o nga mahi tae noa ki te mutunga ote tau ate nuinga ote ao. 9. PIHOPA ATARI A. 1 takoto i nga mema Maori he tono ki te Pihopa kia powhiritia te Pihopa Inia a Ataria (Azariah) ki waenganui ite iwi Maori. Kei te haere mai taua Pihopa ki te whai-korero ki tetahi Hui nui a te Hahi ka tu kite Waipounamu ara ki Christchurch. Ko te hiahia o etahi o nga Minita kia torn nga wahi hei kitenga mo nga Maori i taua Pihopa, ara ki Heretaunga, ki Turanga, ki Rotorua. Engari 1 te nui o nga ramraru o taua tangata tera pea e kotahi tonu te wahi hei kitenga mona i te iwi Maori. Kei te Toa Takitini (Naina 5 and 6) o Tihema etahi o nga whakamarama mo taua tangata.