NGA ANAHERA

Toa Takitini, Issue 7, 1 February 1922, Page 3

NGA ANAHERA

No te ra o Ratana ka rangona nuitia e te iwi Maori te ingoa nei “ Anahera ” e whakahuahuatia ana. Ko etahi kei te whakahua marama ko etahi kei te kotiti noatu. Ko etahi o nga minita o o tatou Hahi kua whaikupu kia Ratana mo taua take, i runga i to ratou manawapa kei riro te iwi i nga akoranga pohehe, kaore nei i te whakaaetia e nga Karaipiture. Kua whai kupu kia Ratana a Te Himoa (Rev Seamer) tumuaki o te Mihana Maori a nga Weteriana, me Cannon Aata Wiremu, me Te Wiremu Tamaiti o Whanganui me Peneti Minita o Heretaunga. Pai tonu te whakahoki mai a Ratana. Ikiia ma koutou ma nga minita e kimi he huarahi e pai ai te whakahua i nga Anahera, e wehe mai ai hoki nga Anahera i te Tokotoru Tapu. Kaore he whakahe mo nga Anahera. Mai ano ite torn o nga upoko o Kenehi tae noa ki Nga Whakakitenga kaaiui nga whakaaturanga mo nga Anahera. I roto i nga whakahaere o te Hahi o Ingarangi kotahi te ra tuturu i ata wehea hei whakamahara mo nga Anahera am ko te 29 o Hepetema (Tirohia i nga Mammataka) mete Inoi, Tuhituhi Rongopai mo te ra o Mikaera me nga Anahera katoa. Tenei etahi rarangi Karaipiture hei whakamarama i a tatou. I* He kai-mahi nga anahera na te Atua. Hiperu 1./. “ Meinga ana e ia ana anahera hei wairua, ana kai - mahi hei mura ahi*” 2. Ma te hunga whakapono nga anahera e whakawa. I Kori. 6.3 “ Kahore koutou i matau, ko tatou hei whakarite whakawa mo nga anahera ? ” 3. Kaua te tangata e inoi, e karakia, e koropiko ki nga anahera he mea hanga hoki ratou e te Atua penei mete tangata. Whakakitenga 22:8 me 9. “Ai kite ano ahau a Hoani i rongo i enei mea. A toku rongonga toku kitenga, ka hinga ahau ki raro ka mea kia koropiko ki mua i nga waewae o te anahera i whakakitea mai ai enei mea ki a au. Na ko tana meatanga mai ki aau Kanaka: he hoa pononga hoki ahau nou no on tuakana hoki no nga poropiti, no te hunga ano e pupuri ana i nga kupu o tenei pukapuka :me koropiko ki te Atua.

4- Kotahi anake te takawaenga o te Atua o te tangata, iTimoti2:s. Kotahi te takawaenga o te Atua o nga tangata, ko te tangata ko Karaiti Ihu, i hoatu nei ia ia hei utu mo te katoa.” No reira kaua e homai nga anahera hei takawaenga mo te tangata mo te Atua. Mahara ano hoki kite ture tuatahi i homai e te Atua ki a Mohi; —“ Kaua he atua ke atu mou ki mua atu i a au.’, Ekoruhe 20. I& 2. 5. He whakaiti i a Te Karaiti te karakia ki nga anahera. Korohe 2:18. “Kei mamirigatia koutou ete tangata e mea ana kite whakaiti i a ia, kite karakia ki nga anahera, e poka noa ana ki nga mea kahore nei ia i kite, e whakapehapeha noa ana, he meat natona ngakau kikokiko; a kahore e man kite Upoko, mana nei te tinana katoa, he mea atawhai, he mea tuhonohono e nga hononga e nga here, ka tupu ai, he tupu na te Atua. Kaati tera atu etahi rarangi, engari kua rahi enei hei whakamarama ki a tatou i te ahuatanga o nga anahera. He pai tenei kaupapa o te Atuatanga me nga Anahera, ara : —“ Kia tan ki a tatau katoa nga manaakitanga ate Matua, ate Tama, ate Wairua Tapu. Ma te Atua hoki e tuku mai ana Anahera Tapu hei awhina i a tatou, aianei a akc tonu atu. Amine. I tenei takoto ote kupu kua karanga tatou kite Atua hei tuku mai i ana anahera pono hei manaaki i a tatou. Kua kore i koropiko atu ki nga anahera tonu mete whakahua i a ratou i te kaupapa o te Atuatanga. Tenei hoki tetahi inoi pai kei a tatou Rawiri mo te ra o Mikaera me nga anahera katoa : —“E te Atua ora tonu, he mea whakamiharo tau whakariterite i te main ma nga anahera ma nga tangata ; Mau e mea kia awhinatia mai raatou i runga i te whenua e au Anahera tapu, e mahi nei ki a koe i te rangi ; ko Ihu Karaiti hoki to matau Ariki. AmineWhakamihj kite Tai-Rawhiti. I te Hui a Ratana ka tae mai a Emire Poraumati kite teneti oNgati Kahungnnu whakaatu ai i tana mapi me tana kauhau whakamarama. I runga i temihi o Ngati Kahungunu whakahaeretia ana he potae kohikohi i nga kapa aroha a tena a teaa. Tata kite £7 te moni i roto i te potae. Ka tapaea atu taua moni hei aroha kia Emire. Kaore a Emire i hialria kite tango i taua moni. He mea akiaki tonu ka tango. Ka ki taua wahine ahakoa ka huri te tau e kauhau haere ana iu katahi ano te tikanga penei te manaaki ate Maori i a ia. Kua riro i Te Tairawhiti tenei honore. Kua ea hoki ite kai-mahi tona utu.