Te Kaunihera o Tamatea.

Toa Takitini, Issue 4, 1 November 1921, Page 10

Te Kaunihera o Tamatea.

I noho te Kaunihera i te Mane tuatahi o te marama ka hori tata ake nei ki Hehitingi, te tiamana ko Te Katene Pukerua. Ko te kupu i oti i taua hui kia whakahautia nga kainga i roto i tona rohe kia whakapai i nga whare ara kia horoia kia maka nga mea paru katoa ki wahike i te wiki whakamutunga ote marama. He tikanga pai tenei ete iwi. He tikanga pai ano hokite tukutuku tonu i nga tamariki ki nga kura mete ata hoatu ano i nga kai e pai ai nga puku e ora ai te tinana. Itu te hui ate Kaunihera o Tamatea ki Hehitingi nei ite rima o nga ra o Hepetema. Ko te putake nui i whakahaeretia ko te whakatu i a Pohe Hemi hei kaitirotiro ite ora o nga kainga. I tae mai ano hoki te Apiha ote Tari Oro ara a Dr. Mercer ! I tautoko ia i taua korero. Ko te ua ua o taua korero ko te kore kaha mo Te Kawanatanga ki te tuku oranga mo te tangata o taua turanga inaianei. I whakaatu ano hoki taua takuta kia kaha te whakahauhau i nga Maori kia whakapai tonu i nga marae i runga i te rongo o nga mate huhua kei te rere haere i te ao. Kaati ko te mea pai ma koutou ko te noho tupato tonu ara ko te whakapai tonu i nga kainga mete ata kai i nga kai ahua rereke. Me kai tonu i nga mea e puta mai ana he painga tere ki te tinana. Me tiki hoki he “Jeys Fluid” me nga mea pera ka horoi i nga whare ia wiki ia wiki. Me pera tonu hoki te mahi i nga tinana i nga wiki katoa Ehara he whakatupato tonu atu ia koutou.