Ki te Kore Koutou e Ripeneta.

Toa Takitini, Issue 4, 1 November 1921, Page 1

Kite Kore Koutou e Ripeneta.

HE aha te ripeneta ? He tahiiritanga atu i te pouri ki te maramatanga. Ehara ite mahi kotahi ka ■ mutu ai, engari he ahuatanga e tipu tonu ana. & Ahakoa rangatira pera me Nikorima, ahakoa - ■■ U wahine puremu pera me Meri Makarini, kotahi tonu te huarahi e ora ai, ma te ripeneta. Kite kore e ripeneta, ka mate. Kei te karanga tonu te Wairua Tapu kia ripeneta tatou, kia whakarerea te ahuatanga tawhito, kia awhitia te ahuatanga hou, kia hanga houtia te temepara. He mate kei fe huarahi e takahia nei e te hunga e ki 'nei ki o ratou wairua “ E kai e inu, kia koa tatou.” Na to tatoa kuare ki tenei rongo-pai ara kite ripeneta, i tere ai to tatou turi-koroheke. Mehemea ka mamma tatou ki te tikanga ote ripeneta, ka kite tonu tatou i nga maramatanga hou o terra ra o tena ra, ka rongo tonu tatou i te reo ote Wairua Fapu, e ako ana kia kaua e hoki whakamuri nga whakaaro engari e hoe i to waka, “ tangohia he piko, tango mai he rae : waiho atu. Toia.”! Tenei wa he wa no te taitamariki. Engari ratou he tere kite hopu i tenei taonga ite ripe - neta. Kei a ratou te ngakgu kaha kite whakatutuki i nga akoranga hou. Te kupu a te Karaiti “ kite kore koutou e ripeneta e kore koutou e kite i te rangatiratanga o te Atua.” He tai-tamariki ate Karaiti me ana Apotoro ka whakatakoto nei ratou i nga kaupapa o te whakapono. He tai-tamariki te nuinga o nga tangata na ratou i whakatakoto nga huarahi hou mo te ao. Kei te raruraru katoa te ao i tenei wa kite ahua tanga o Ingarangi, o Amerika, o Tiapani. He aha a Hiruharama i mate ai ? Na te kore ripeneta, ka ngahoro nga waara o Hiruharama. Kaore ia i titiro kite pono raua ko te tika.

Koira ano hei mate mo enei iwi nunui o te ao kite mahue te Atua i a ratou. Kaore he iwi ote ao i tipu i runga i nga mahi ringaringa kaha, i nga mahi kohuru, i te whakahawea kite Atua. Ko te tipu ote iwi ote tangata hoki, e mahi nei i nga mahi pohehe he pera me ta Rawiri i waiata ai “I kite ahau i te tangata hara e kake ana : e tautorotoro ana mete puriri matomato. Heoi pahure noatu ia, a, kore kau noa iho : ae, i rapua ia e ahau, a, kihai i kitea. (Wai. 37.35. Kei te whakaatu a tatou Nu Pepa tera etahi Manuao hou kei te hasiga mai inaianei. Ko te utu mo te mea kotahi e ono miriona pauna ! Hei patu tangata te mahi nei. Kei te whakataetae ano nga mana nunui o te ao, ina hoki kei te mahi Manuao a Ingarangi, a Amerika, a Tiapani. E kiia ana kaore ano he Manuao hei rite me enei te kaha. Engari ahakoa enei mahi ko te tuhituhi kaore e taea te ukui “Kite kore koutou e ripeneta— e aroha, e mahi pono, e wehi kite Atua —ka pera katoa ano hoki koutau te mate ” E te iwi Maori, kei te pehea tatou? Kei whea o tatou tai-tamariki kaha o tenei whakatipuranga. Ko te nuinga kei nga huarahi takaro e haere ana, kei te ara whanui o te ao. Tena ra whakaarotio iho o tatou huarahi, kahopu ai kite taonga hou ate Karaiti i tuku mai ai ki te ao, te ripeneta, ara te mahuetanga atu o te pouri, te tahuritanga atu ki te maramatanga.

Kohatu Whakamahara. Kei te 5 o nga ra o Hanuere ka hnrahia tctahi kohatu ki te kainga oTe Omana iTe Mahia (Geo. Ormond, Esq.) Kua tae mai tana kohatu kei Nepia inaianei, a kei te whakamaua nga korero He tohu whakamahara taua kohatu mo Alex Ormond i mate kite pakanga, mo ana hoa tokowhitu hoki i mate katoa i te wa o te pakanga. He whanau kotahi ratou katoa. Ko to ratou iugoa hapu ko Rongomai-wahine. Whakamahara mo Hen are te Wainohu. Kua tae a Hemi Huata ki Nepia kite whakatuturu ite kohatu whakamahara mo Henare, kua oti hoki te haina o nga pukapuka. Ko te utu mo taua kohotu £I,OOO. Ko te kohatu o runga ko te ahua tonn o Henare. He mapere te kohatu, kei te mahia mai i Itari. Kei a Aperira ra no oti ai tenei kohatu, ara tu ai ki Te Wairoa. Ko nga mapere o Niu Tireni kaore i rahi mo te hanga mai hei taugata, na reira i tikina ai i tera taha o te ao, ara i Itari ra no.