Tamaiti Maori i mate kite Hohipera i Nepia.

Toa Takitini, Issue 4, 1 November 1921, Page 11

Tamaiti Maori i mate ki te Hohipera i Nepia.

No nga ra o Akuhata ka hori ake nei ka pangia tetahi tamaiti no te Haroto e te mate, a i te mea ka taumaha haere te mate ka tukua mai kite Hohipera i Nepia nei. I te koingo tonu o te tamaiti ki tona matua ka haere tonu mai te matua kite tono kia tukua atu ia kia noho tonu i te taha o tona tamaiti otira kaore i whakaaetia e nga ture o tera wahi. Kaati ko te mahi a taua wahine he haerere tonu kia kite i tona tamaiti, a mate noa te tamaiti nei. Ka hoki te wahine nei ki tona kainga katahi ka korerotia te mau kino a te Hohipera i tona tamaiti. I runga i tenei rongo katahi ka mauria e te Komiti Marae ote Haroto te putake nei. Ko te korero a taua wahine i penei: ; He maha ona taenga atu kia kite i tona tamaiti ka rongo tonu atu ia e karanga ana kia ia. Hei tona taenga atu kei roto tonu te tamaiti nei e takoto ana i ona paru, kaore tahi he tangata i te tiaki. 1 tono ia kia tukua mai te tamaiti ma ana tonu e tiaki kaati kaore i whakaaetia. Ki tana whakaaro na reira tonu i mate ai tona tamaiti. I runga i tenei ahua ka mauria e te Komiti Marae tenei putake a ka ripoatatia kite Komiti o te Hohipera ; ka haere mai ko Te Wano Taungakore (Taimana ote Komiti Marae) me tona hoa kite korerotanga o taua putake. Kaati ko te Naahi i tiaki i taua tamaiti i pangia e te mate a kore ana e tae mai ki taua hui e ai ki te korero. Ko te kupu i oti i taua Komiti Marae hei tono kite Hohipera kia whakaritea kia noho tonu hei te Naahi Maori hei tiaki i nga turoro Maori. Etita. Kia ora rawa atu te Komiti Marae o Te Haroto Koina tonu te tikanga pai, ka kite iho i nga mea e rongo he ana ka ui ui a ka whakaeke ki runga i te tika haere ai. Tenei tonu to nuinga kei muri nei ara te Toa Takitini hei awhina atu i a koutou mete iwi nui tonu ki nga tikanga katoa He kaha ui te kaha. Toku tumanako kia hihiko te iwi kite kimi i nga tikanga katoa me nga huarahi e taea ai te whakahaere, te mahi ranei nga tikanga e piki ai te tangata takitahi, te hapu, te iwi nui tonu ranei. Otira ite mea kaore ite matauria atu te mea e ngaro ana i tena i tena o koutou na reira i tika ai te tono atu kia tukua mai nga patai i ona ahua katoa me kore e taea tatou te arahi e tatou ano, notemea ko koutou ko tatou “Tatau ! Tatau! He Toa Takitini te Toa ! Ahakoa ra Mana rarahi, mana pakupaku ranei i te rapu i nga tikanga pai hei patu i nga tikanga kino kite whakahaere hoki i nga tikanga atahua hei whakarata i nga ngakau hianga, ka whariki atu ah an ki raro i o koutou mana hei awhina i a koutou kite whakatuputupu ite ngakau rangatira : “Te taonga ra o koutou Tupuna ka mene kite po.”