Te Huarahi o Te Ora Mo Te Iwi Maori

Toa Takitini, Issue 3, 1 October 1921, Page 5

Te Huarahi o Te Ora Mo Te Iwi Maori

(Ko te reta e man ake nei he mea tuku mai e tetahi 0 nga pakeha whai-whakaaro, mohio hoki ara e H. Hill, Esq. Ko ia te Kai-tirotiro tumuaki o nga kura kawanatanga o Haki Pei i nga tan maha ka huri nei. Ite tan 1919 ko i a hoki te Mea (Mayor) ote Taone o Nepia. He tangata aroha tenei ki te iwi Maori.) Kite Etita oTe Toa Takitini, Tena koe. — Tenei kua tae mai ki ahau te kape tuatahi oTe Toa Takitini. He tuku atu tenei naku i aku whakamihi mo te pai oto pepa. Ko te tumanako o toku ngakau kia kaha te piki haere o to pepa kia waiho ai ana pikaunga hei whangai i nga roro o te tangata penei me te kumara e whangai nei ite tinana. Kei te mohio koe he tangata whakaaro nui ahau mo te ahuatanga o te iwi Maori. Ka 40 nga tau inaianei ahau e kopikopiko ana i nga wahi katoa o te motu nei. Ko taku aroha kaore Ite matoke ki te Maori engari kei te piki haere tonu. Na tana aroha ahau i karanga ki te rui i etahi purapura ki roto kite maara oto pepa, a mehemea ka ata tiria aua purapura e te iwi Maori tera ano ratou e kite i nga hua o te koa o te ora mo ratou. I enei tau e 40 ka matakitaki ahau ki nga tamariki tane, wahine, ote iwi Maori. Kua kaumatua etahi o aua tamariki ra, kua rereke te ahua. Engari kaore i riteki ta toku hinengaro i wawata ai hei ahuatanga mo te tangata Maori. Ki taku whakaaro he mahi kuare te whakatahuri i te Maori kia rite tonu tona ahua ki to te pakeha. Kaore hoki he painga moku, pakeha nei, kia whakatahuritia hei Maori, Kaore e tae ate whakarereke o nga toto. I nga hotera o Ingarangi tera etahi tohu kei runga i nga mahau tomokanga atu e piri mai ana. Ko te ingoa o tetahi o aua hotera ko Moumou te Mahi.” Ko te whakaahua kei runga tonu ake o taua ingoa he tangata mangumangu kei roto i te taapu wai. E rua nga pakeha kei te horoi iaiaki te paraihe kite hopi. Kei te mahara nga pakeha ra tera e ngaro te mangu o te kiri o te mangumangu ra i a raua. Kei rare i taua whakaahua te kupu '* moumou te mahi.” He kupu whakarite tenei. Kaua koutou nga Maori e whai i nga ahuatanga katoa . o te pakeha. Engari me whai koutou i mud i tapuwae o koutou matua tipuna rangatira. Ko a ratou na kupu he kupu tapu he kupu mana. Ko to ratou na ahua he tino tangata. (Taria te roanga atu.)