Nga Kaupapa o te Pepa.

Toa Takitini, Issue 3, 1 October 1921, Page 1

Nga Kaupapa o te Pepa.

I rite te tangata kite Atua i tetahi ahuatanga, ara i te kupu o te Rawiri e ki ra : —“ Me whakaae ' kite Toko-torutanga : otiia kaua e wehea te Kotahitanga.” Kei te mohio a tatou tamariki ki nga tohu o nga pukapuka a te Y.M.C.A., ara kite tohu tapatoru e kiianei he “triangle,” Ko tera tohu hei whakamahara ki nga wahi e toru ote tangata. ara kite tinana, kite hinengaro kite wairua otiia kotahi tonu ana mea e toru, ara he tangata. Ko nga kaupapa enei hei whakapiki ma “Te Toa Takitini.” Kaore te tangata e tipu tika mehemea ko te tinana anake hei whakatipu mana. Kaore hoki he painga mehemea ko te matauranga mo te taha kite hinengaro anake hei manaaki ma tatou. Kaore hoki e rite te tau mai o te waka mehemea ko te taha wairua anake hei mahi ma tatou. Ka titaha te waka. E toru nga wahanga ote tangata. Enei wahanga e toru me whakatipu katoa ka rite ai tatou mo nga huarahi o tenei ao tae atu hoki kite ao wairua e kiia ai tatou “ he tangata whenua,” mo tera wahi. I roto i nga korero o ta tatou pepa tera ano nga wahi kua whakaritea mo te taha ki o tatou tinana, tera ano hoki mo te hinengaro, tera ano etahi wahi ka pa kite taha wairua. Ka uru enei kaupapa e toru ki nga kape katoa o Te Toa Takitini. Ko te whakaaro nui kei roto i nga mahara o nga kaihautu o ta tatou pepa. he whakapiki i te iwi Maori. Kaore nga kupu tawai, whakatoi, takahi ranei i etahi o tatou e wTakaaetia ki tenei pepa. Engari ano nga kupu whakahe mo nga pohehetanga, me nga whakatikatika. No reirae nga hoa kia kaha ra kite awhina mai i tenei taonga a tatou. Waiho mai ma nga Et ; .ta e whakaaro te wahi hei perehi, mete wahi hei whakarere o nga korero. E koro ma, manaakitia mai ta tatou pepa ki nga korero nunui kei nga papa-kikokiko c man ana, kei tere to koutou haere, a ka ngaro ena matauranga. E

nga hoa i puta atu i roto i nga kura, kia rangona ra o koutou reo arahi ite iwi ki te huarahi ote pai ote ora. Ina te karere hei mau i to reo pai, ito reo manaaki, i to reo whakaora, ki tena marae ki tena marae, ko “ Te Toa Takitini.”