Nga Ratapu O Oketopa.

Toa Takitini, Issue 3, 1 October 1921, Page 9

Nga Ratapu O Oketopa.

Oketopa 2. Ratapu 19 ote Tokotoru. Nga akoranga o tenei Ratapu mo te ngakau tawhito mete ngakau hou. E ki ana te whaki hara “ Kua he matou kua raarara &c.” Na te ngakau tawhito tera. He pena te ngakau tawhito mete kakahu parupam kaore e taea te horoi. No reira me rapu i te mea hou. Ma te mana o Te Wairua Tapu ka taea. Te inoi mo tenei Ra e ki ana “ Tukua mai ton Wairua Tapu hei whakatika i nga whakaaro katoa o o matou ngakau.” Kei te whakaatu te Rongopai i nga whakaaro o te ngakau tawhito, ara i te kupn a nga Karaipi i mea ra “E kohukohu ana tenei tangata.” I a Renehi 50:16 ka kitea nga main ate ngakau tawhito o nga tuakana o Hohepa ki a ia. (Korerotia te upoko) Ko te ahua te ngakau hou kei a 1 Koriniti 13:4 ki 7. Kupu whakarite:— Mehemea kite nui nga maitai kite taha. ote kapehu ka kotiti te tohu ate kapehu. He pera te ngakau tawhito , kei te riro i nga whakaaro ote ao. Ma te ngakau hou ka tika nga tohu. Ite Tuhituhi e whakaatu ana a Paora ite rereketanga ote ngakau tawhito mete ngakau hou (17 ki 19) Ko nga hua o te ngakau hou he pono (25) kaore e tahae, ka pukumahi, ka hoatu i etahi o ana rawa ma te rawakore (28) kaore, e puta te kupu kino i te mangai(29). Te inoi a Rawiri:—- Kia tiakina toku mangai e Ihowa : tiakina te tatau o oku ngutu. (Wai 141:8.) Oketopa 9. Ratapu 20. Te kaupapa o nga akoranga mo tenei Ra ko te kupu nei “kia kakama ai o matou tinana 0 matou wairua kite main i nga mea e pai ai koe.” He maha nga tangata e whanga ana kia mutu uoatu te tangi o te pere karanga kite karakia ka haere mai ai. Na te kore e kakama ote wairua tera ahua. 1 te Rongopai tera etahi i karangatia kite marena engari kaore i tapoko ki roto. Kotahi i tae pohehe atu engari pana mai ana ki tepouri i waho rawa, kite wahi ote tangihanga ote teteatanga o nga niho. 1 mahara a Pita kei te kakama lona wairua ki atu ana ki tona Ariki “e pai ana ahau kia haere hei hoa mou kite whare-herehere, kite mate ano hoki.” Ruka 22:23. Engari kaore i toru nga tangihanga o te tikaokao ka torn ana wha~ kakahoretanga i tana Ariki. He tangata a Hona i karangatia kite kauhau, na te kore kakama ote wairua oma ana. (Hona--1:1-3). He aha te kakahu marena ote Rongo-pai? Roma 13:14 me Karatia 3:27.

Oketopa 16. Ratapu 21. Fe akoranga o tenei Ra ko te “ Kaha mo te Karaitiana.” I te Tuhituhi ka whakaatu a Paora i te huarahi e kaha ai, ara te pono hei whitiki, te tika hei pukupuku te rongopai hei hu, te whakapono hei whakangungu rakau, te ora hei potae, te kupu a te Atua hei hoari. Kei whea enei kakahu? Kei te Iriiri, kei nga karakia, kei te Hapa Tapu. Eki ana a Paora “Ka taea e ahau nga mea katoa, he mea na te Karaiti e whakakaha nei i au. Piripai 4:13.