He Ao Hou.

Toa Takitini, Issue 1, 31 August 1921, Page 4

He Ao Hou.

Enei ra he wa whakawhanau houtanga i nga mahi o te ao. Ko nga tamariki kei te kura kua kite i te whakarereketanga o nga mapi ote ao. Kua hinga # nga kingitanga o nga rau tau maha kua huri nei, kua maranga ake nga mana hou o roto o enei ra. Kua rite kite knpu a Ihaia ekira "ko nga raorao katoa ka whakanekehia ake, ko nga maunga katoa me nga pukepuke ka whakapapakutia iho, ko nga wahi kopikopiko ka meinga kia tika, nga wahi taratara kia papatairite." Kei mud i enei abuatanga katahi "ka whakapuakina mai te kororia o Ihowa." Kua tahuri tenaiwi puta noa te ao kite ata pauna i ana mahi kia kitea ai kei te tupu tika kei te heke haere ranei, Kua whakaritea e te Pirimia o Ingarangi te ao kite tangata i taotu. Kei te takoto taua tangata kei te aue i te kaha o tana mamne. Eki ana taua Pirimia kotahi tonu te rongoa hei whakaora i tana mate, ara ko te ripeka oTe Karaiti. Ka rite ai te kupu ate Pirimia kite himene a o tatou koroua e rangi Maoritia ra i o ratou ra:— "Na wai i whakamatea ai A Ihu toku kingi nui ? Hei utu koa mo aku he Tona upoko i tukua Koia te ra i pouri ai Kihai tiaho kite ao I mate hoki te Atua Hei utu mo te tangata Ka waiho ra hei tangi kau Ahea te arohji rite ai Ahau e Ihu tangohia Hanga e koe he ngakau hou." E te iwi Maori tena koa ata tirotiro ki to tatou ahuatanga i roto i enei ra. Kei te tipu tika ranei tatou ? Kei te whakapuaki ranei tatou i te kororia o Ihowa ? Kei konei te tino tohu e mohiotia ai to tatou tipu tika. Eki ana hoki Nga Whakatauki " Ma te tika ka kake ai te iwi, ma te hara ia ka ingoa kino ai nga iwi." He aha te mahi nui kei te whaia ete iwi Maori ? Ko nga mahi e tipu tika ai te iwi e whai kororia ai a Ihowa ! Ko nga mahi takaro ranei kaore nei he hua nui i roto. Kanui toku whakamiharo kite kaha o a tatou tamariki ite matae oTu, no te waimarietanga kite hoki ora mai kite kainga, takitahi nei nga mea i kitea e whakamoemiti ana ki te Atua. Ko te nuinga o ratou o tatou hoki o nga matua kei nga huarahi tawhito e haere ana, kei aua kai waipiro ra ano, kei aua purei moni, kei aua tuapu, ara kei nga mahi kaore nei he painga e puta kS te iwi kaore he kororia kite Atua Tena maranga tatou ete iwi. Tirotiro marire, kei te hangai ki hea te ihu o ce waka o te iwi Maori ? Kei te piki ranei tatou, kei te heke ranei ? Pehea o koutou whakaaro ?