Ta Tatou Pepa.

Toa Takitini, Issue 1, 31 August 1921, Page 1

Ta Tatou Pepa.

H

E whakaatu tenei ki te iwi Maori ko ta tatou pepa kua hikitia mai ki Heretaunga nei perehi ai. Ko te perehi a Atirikona Wiremu i Te Ran kna hokona. E homai ana e Hapata tana perehi kite Komiti Tumuaki o te Pihopatanga o Waiapu engari no te kimihanga a te Komiti i etahi moni hei hanga whare-perehi, hei hoko whenua hoki hei tuunga mo te perehi ki Nepia nei, kaore i kitea he moni i te uaua o te tuku moni a nga peeke i enei ra. , Kua mutu to tatou rnana kite perehi oTe Ran. Ko ta tatou pepa ka perehitia ki Hehitingi. Kaore e taea te whakaatu pehea te roa ota tatou pepa e perehi ana. Kei a koutou kei te iwi tena. He huruhuru te manu ka rere. Ka kaha ta koutou whangai mai i ta tatou pepa ka mau tmiu te perehi. Ko te moni hei kohi ma tatou e mau ai te perehi kei te £l5O ite tau. Ko tenei moni ma te pakeha perehi anake me nga pane-kingi. Ko matou ko nga Etita me nga kai-tuhituhi e mahi noa iho ana i runga i te aroha. I te Hui Topu i tu ki Manutukeka whakahaeretia tenei motini ara : (a) Kia mau tonu te perehi o Te Kopara. (b) Me tuku ki te Komiti Tumuaki (Standing Committee) te whakahaere. Kua whiriwhiri te Komiti Tumuaki o te Pihopatanga o Waiapu i te to no a te H i i Manutuke a kua vvhakaaetia hoki taua tono. Engari j.“ tana whakaaetanga mo nga wa e mohiotia ana tera e ea nga raruraru o te perehi Mehemea ki te kore e kaha te iwi Maori ki te kimi oranga mo ta ratou pepa ka whakamutua te perehi. No reira e rangatira kia kaha mai ta koutou whangai i ta koutou mokai kia roa ai ia e ora ana kite mau korero atu ki tou marae ki tou marae.

Ko te pepa nei naku na te Etita i whakawhanau mai i Nerehana ite Wai-pounamu. Ko tona ingoa i reira ko Te Kupu Whakamarama. Ko te kape tuatahi no Maehe 1898 i puta ai. Ite 1899 ka tohia he ingoa hou mo taua pepa ka kiia ko Te Pipi-wharauroa. Ka mahue a Nelson i te Etita ka whakaturia ia hei minita ki Taranaki, ka tukuna atu ki Te Raukahikatea te Pipiwharauroa perehi ai. Ka riro i tena wa ma Hapata Wiremu e manaaki taua pepa. Mehemea kaore te perehi a Hapata kua mate noatu te pepa nei. No muri rawa mai ka tohia ano he ingoa mo te pepa ko Te Kopara. Kaore ano he pepa ma te iwi Maori kia penei rawate roa e rere ana me Te Kopara. He nui nga pepa a te Maori, Te Waka Maori, Te Tiupiri, Te Huia, Matariki me etahi atu. Kua matemate katoa era. Ka mutu te pepa whanui ona korero e ora nei ko tenei. Ko te morehu tenei, ko te oha a o tatou matua. He inoi tenei ki nga rangatira o tena marae o tena marae kia tahuri kontou kite kimi tangata hei tango ita koutou pepa. Kaua e waiho ma te tangata kotahi e tango te pepa a ma katoa e matakitaki nga korero. E whai i ta te pakeha tikanga ka tango ai ia tangata ia tangata i kape i tau kape.