Te Mihana i Meranihia.

Toa Takitini, Issue 1, 31 August 1921, Page 8

Te Mihana i Meranihia.

Ko te Mihana ki nga Maori o nga moutere o Meranihia na Pihopa Herewini i timata. Kei Niu Tireni te Komiti Tumuaki hei whakahaere i nga huarahi oranga e tipu ai taua mihana. Kua puta te panui a tana Komiti he uaua te kitea o te huarahi e ora ai taua Mihana i enei ra i mau tonu ai te nui ote utu mo te kai, me te uaua o te kitea ote moni. He tima to te Mihana ko Te Southern Cross tona ingoa. He nui te moni e pau ana ite hoko waro mete whakaora i nga wahi mate o taua tima. Na te paanga mai hoki o te mate puru (flu) ki nga moutere ka pau nga moni ,£l,ooo i te tiaki haere i nga iwi Maori. Kei te tono te Komiti ki nga iwi o Niu Tireni kia kohikohia mai he moni kia ,£5,000 i enei ra tae noa ki te 15 o Hepetemo. Ka enei moni hei hoko kai ma nga Kia whakaako me a ratou tamariki me nga mihana e noho mate mai nei i te kore kai. Me pehea tatou te Maori mo tenei karanga ki te awhina i o tatou whanaunga o nga moutere ?He karanga na te Atua. Ina te kupu a Te Karaiti “Kite whakainumia e tetahi, tetahi e enei mer nohinohi, i runga i te ingoa o te akonga, he pono taku e mea nei ki a koutou, e kore rawa ia e hapa i tana utu.”