HE TIMA I PAEA KI RUNGA TOKA.
IWAENGANUI poo te Ratapu te 23 o nga ra o Hune nei ka paea tetahi tima nui ki runga toka i Turanga. Ko te ingoa o taua tima ko te "Ta o Kanata." He tima mau miiti whakamatao ki Ingarangi, Ko te taumaha o taua tima 10,000 tana. No te ata ote Hatarei i tae mai ai. I te Ratapu ka puta tetahi hau kaha, mete kino ano o te moana. Ehara taua hau ite mea pumau, engari puta purekereke mai ai. Ka tata atu ki waenganui po ka kaha rawa te hau, mete tu o te ngaru, i tera wa ka whakaaro te kapene kite haere ki waho ote moana, ka whakahaua e ia Ida whakapaia te tima mo te haere. I taua wa ka tae mai te whakaatu kei te pae haere te tima, i muri tonu iho i tera kua rangona te ekenga o te tima ki runga toka. Ka mahi noa nga mihini nunui e rua kite mea ra Ida maunu kore rawa i taea. Katahi ka makaia ano tetahi o nga haika. Ka mahi tera kite tutuku rakete kia mohiotia atu e nga tangata o uta te aitua, i te kaha o te hau me te marangai kaore i tino rongona aua rakete. Otira he maha ano nga tangata e noho ana i te taha tai i rongo, a haere ana kite rnataki. E rua nga tima ririki i whakamatau kite haere ki waho, engari ko tetahi i hold mai, ko tetahi ano i haere tonu tae atu ana kite taha ote tima, kaore rate taha rawa. Na taua tima i mau mai te korero o te tima, ko taua korero kia whakaaturia Id Poneke te rongo o te aitua kia tukua mai te tima a Terawhiti hei to i a ia. Te taenga mai o tau tima iti ka waeatia taua korero. I te ata o te Manei a po noa, he haere tonu te mahi a te tangata kia kite i tenei mea hou. E torn o nga rua o taua tima i Id i te.-'wai, ko etahi atu wahi kei te ora katoa. Ko te wahi kei runga toka ko waenganui. No te ata.o te Manei ka mauria atu te haika nui, ko tera kei te whakapumau i tona tu. Ko te mahi inaianei he whakahoki mai i nga utanga ki roto ite whare whakamatao. Kei te haere tonu te mahi, i te po i te ao, kia awe te toia i te mea e pai ana te moana. I hohoro tonu te putanga mai o tenei hau, i hohoro tonu hold te ngaromanga. Na konei te tima nei i mate ai, na konei ano hold i ora ai i te mea ka eke nei Id runga toka. Kei te pai te moana inaianei, kua tae mai hold a Terawhiti hei to. Kei te haere nga mahi.
Permanent link to this item
https://paperspast.natlib.govt.nz/periodicals/PIPIWH19120601.2.11
Bibliographic details
Pipiwharauroa, Issue 169, 1 June 1912, Page 8
Word Count
482HE TIMA I PAEA KI RUNGA TOKA. Pipiwharauroa, Issue 169, 1 June 1912, Page 8
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in