HE MATE URUTA.
ITE uinga a te pakeha ki a Apirana Ngata i tona whakaaro mo nga mahi tohunga i waenganui i te Iwi Maori ka mea ia he mate tenei kua pa kite Maori — he mate rere, heoi ano te tikanga pai me waiho noa iho, kia pau te kaha o taua mate, a hei te oranga o te hunga i pangia e kore e pangia i muri atu. E whakaae ana matou ki tenei kupu he mate nui tenei kua pa kite Maori — he mate uruta, kei te toha haere. No enei tau tonu i ungutu tonu ai te puta o taru nei o te tohunga. He tokomaha nga tohunga o mua atu i a Wereta, no Wereta rawa katahi ano ka hapainga. I kaha ai te aru o te tangata i a Wereta na tana kinga he mana Atua kei a ia, hemana mahi merekara. I hapainga tenei tangata e nga rangatira, e nga mema o te Paremete, i hoatu he taonga mana, he hoiho reihi. Muri tata tonu iho i a Wereta ko Karepa muri tata iho i a Karepa ko Pari Rekena, te puru o Waikato, muri tata iho i tenei ko Hikapuhi he wahine tenei, no te Ara\va, i timataria tana mahi ki Heretaunga engari i te mea kua kinongia te ingoa nei a tohunga ka kiia ia e ana akonga he “neehi," ara he wahine tiaki turoro. Ko te tino rongoa a tenei he waipiro, ko tenei te rongoa mo nga mate katoa, he parani "tiri ta" (Three Stars). Koia nei te parani tino kaha atu a te pakeha, he ahi tonu, whakananu ai te pakeha kite wai ka kai ai, tena kite "neehi" ka inumia wai-maori-tia. Hei tapiri mo te parani ko te kupu kia ora kia ora. I tukituki nga rongo o “neehi" i roto o Turanga nei mo tana whakaoranga i tetahi rangatira o konei, na te kupu noa na te parani ka ora. Mo tana karaihe parani mete kupu whiwhi ana tenei wahine kite £xo, te haerenga ngaro tonu atu no muri ka mate tana turoro. Ko te ingoa noa o te nanakia wahine nei i “neehi" ko ana mahi ia kahore i rite ki ta te neehi. E ki ana a Wi Pere he mahi
Maori, ko te atua o Hikapuhi ko Makawe. Ko tenei wahine no te rangai tonu o Wereta o Karepa, o Pari Rekena. HE POROPITI NO TUHOE.
E tarewa tonu ana te ingoa o te "neehi" i runga i nga ngutu o te tangata ka whakaete he tetekura ke—he poropiti no Tuhoe, ko Rua Tapute ingoa. E 33 nga tan o tenei tangata ko Maunga Pohatu te kainga. I tae mai ano ki Turanga nei kite kuti hipi: i tae ano ia kite Rongopai, i ki he mea tono mai ia na Ihowa. Kaore nga tangata i whakarongo. No tona hokinga kite kainga ka whakaatu ko te teina ia o Ihu Karaiti, eg nga tan i whakahaputia ai a te Karaiti (he korero hou tenei) waihoki eg ano nga tan i nohopuku ai ia, a katahi ano ka whakaatu i a ia ahakoa he aha te mate. ,1 tona putanga ki Opotiki ki Whakatane oho ana te Maori ka aru i a ia. I whakaaturia e ia hei te te 25 o nga ra o Hune nei ka tae mai ia ki Turanga nei a ka hariru ia ki reira ki a Kingi Eruera VII, a hei reira ka hanga tetahi whare mona e -£3,000,000, te utu. I te kitenga o Rua ka hui te tangata ki a ia ka penei ia ka tutuki ta tona ngakau i wawata ai, a he tika tana whakaaro he iwi poauau te Maori. I runga i tenei whakaaro ka takahia c ia nga tapuae o Wereta ara ka haere kite whakamatakitaki haere i a ia ki etahi iwi me team ano tona iwi i muri i a ia, ka haerea kite Wairoa. Te taenga ki Waikaremoana, ka whakanoatia ara ka meinga kia kore e kino a muri ake nei, no te taenga kite Wairoa kaore i manaakitia, hoki ana ki Maunga Pohatu. Kei te taria tona taenga mai ki konei a te 25 o nga ra o Hune ; ko te pirihimaua pea e hariru ki a ia, ko te whare torn miriona ko te herehere, ko nga tangata e whakapono ana ki aia e tuku kite whare porangi ki reira noho ai, kia ora ra i te mate uruta ka tuku ai ki waho.
Ko nga tangata o te Poari Whenua o Ikaroa ko Mr. Kensington (Kehingitana) rarohekeretari o te Tan Whenua, ko Tiati Eteka, raro-hekeretari mo nga mea Maori, ko Rupuba Hianga o Porangahau.
Permanent link to this item
https://paperspast.natlib.govt.nz/periodicals/PIPIWH19060501.2.7
Bibliographic details
Pipiwharauroa, Issue 98, 1 May 1906, Page 6
Word Count
778HE MATE URUTA. Pipiwharauroa, Issue 98, 1 May 1906, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.