KI TE KARERE A MAHURU.
Kl TE PIPIWHARAUROA. TUKUA atu ena kupu hei whakahoki i etahi o nga patai a " Mahuru." Ko te pawa anake mete pakutanga o te pu a "Mahuru" e kitea ana e au e rangona ana engari ko tana tinana kei te ngahere, kahore e _ kitea, heoi ano te mea e kitea ana e au ko tana ingoa whakapeka. Kahore hold e mohiotia tcna karakia, he Ringatu he momona ranei inahoki e tautoko ana ia i te Hapati tawhito a e tautoko ana hoki i te moe ngahuru i te wahine. Ko au ia kei te tu marakerake tonu a e puhia kohurutia nei e te tangata mataku. E hoa, kua whakaaetia e kce to tapahanga i te Inoi a te Ariki, e ki nei koe kua ata waiho mo te kai ka whakahuatia ai. Na wai i ala waiho ? a na wai hoki i whakatakoto nga kupu e whakahuatia ra e koe i te mutunga o taua inoi a te Ariki ? Ehara koia tena i te taami nau ? Mo to patai, he aha rate whitu o nga la i takahia ai e Mold Turei ? Mo to ki i kauwhau a te Karaili i te Hapati, kite ata tirohia e koe te Paipera e kite koe i kauwhau ia i nga ra katoa. Eta, kaore a te Karaiti i haere mai kite takahi i te ture engari kite whakatutuki (Matiu 5, 17.) He aha ra ki a koe tera kupu a te whakatutuki ? I tona ripekatanga i puaki tana kupu, " Homai he wai moku." (Hoani 19, 28.) Tana inumanga ka puaki ano tana kupu, " Kua oti." He aha ra ki a koe tenei kupu, "Kua oti ?" Te aranga ake o te Karaiti i te mate i mua tata ake o tona kakenga i puaki tana kupu ki ana akonga," Kua tukua katoatia mai ki a au te mana o te rangi mete whenua"(Matui 28, 18.) Kua tutuki nei i a te Karaiti nga ture me nga tikanga katoa o te Kawenata Tawhito, kua maru te upoko o Hatana, kua rite nga poropititanga hei whakaritenga mana. Ko te hea nga mea i toe ? Kua tukua mai te mana o nga mea i te rangi. Ko te hea te mea kihai i tukua mai ? Ko te Hapati pea ? He kupu ia la te Karaiti mo te Hapati (Maaka 2, 27, 28) me etahi atu kupu. I ara a te Karaiti i te ra tuatahi o te wiki a hari ana ana akonga (Hoani 16, 22.) ka pouri te ao ara te hunga mauahara nga Hurai, 10 nga ra o te Karaiti, kite rangi ka tukua mai te Wairua Tapu i laua ra tuatahi ano o te wiki ka ki katoa nga Apotoro i te Wairua Tapu ka korerotia e ratou nga reo ke, ka kauwhautia te aranga o te Karaiii ka iriiria te 3000, ka huihuia te liahi ka whakatakotoria te hapa whakamaharatanga ki
te matenga o te Karaiti, kai ana ratou karakia ana inoi ana i runga i te hari i te koa i te whakamaharatanga ate Wairua Tapu kite ra ote aranga o te Karaiti ka rite nei i tona taenga mai i taua ra tuatahi ano o te wiki (tirohia Nga Maid. 1.) Kati enei whakamaramatanga atu, kia pataia atu hoki koe e whakarite na ite Hapati. Kei te whakarite ano ranei' koe i te kotinga? me Aperahama i te ra i korero ai te Atua ki a ia, i te mea ka iwa tekau ma iwa ona tau ? Tirohia Kenehi 17. Kei te kotia ranei e koe o tamariki tane i te waru o nga ra ? Kei te whakaritea ranei e koe nga hakari e torn ? a tenei koe te haere nei ki Hiruharama whakarite ai i aua hakari ia tau i ia tau ? Tenei ranei koe ka tae ki Hiruharama kite patu ite whakahere whakamarietanga ki roto kite wahi tino tapu mo nga hara ote iwi ite tau ? Tenei ranei koe te patu nei i te whakahere tuturu o nga hapati, i nga whakahere tuturu o te ata o te ahiahi; i nga kohilitanga marama i me era atu tikanga i whakaritea e te Atua kia mahia hei whakaritenga man ? Kite rite i a koe ena ara kei te mahia e koe inaianei, kei te pai ka tatari ai koe ki tetahi atu Karaiti hei whakatutuki hei whakarite hei whakaoti. Ki te hoki i a koe ena patai ara kei te rite katoa i a koe kei te pat. Kite lore hei aha koia kia whakautua ena patai. Mo te rarangi tuawhitu oto panui. Me unu tenei e koe ki waho hohoro to unu ki waho o to panui. Mo te rarangi tuatahi he kuia kei konei, he kopiri nga matikara he w r era i te aid, ka kite nga tamariki ka kata. Mo te tuarua kua whakaaetia mai tenei e koe. Mo te tuawha, Kahore aku kupu mo tenei. Mo te rima, kei konei tetahi taru kino e tipu ana me hangai taku ki atu, Haere mai, unuhia te malia muramura o te mauahara i roto i a au, hohoro te haere mai. Mo te tuawaru, Kaua koe e kuare ki nga tikanga o tena inoi, kei kona tonu ona whakamaramatanga. lirohia ite timatanga, " Kite tahuri mai ano te tangata kino," (Ehekiera 18, 27.) tae no r kite mutunga, (1 Hoani 1, 8, 9,) muri iho ko te kupu whakahau kia whakina o tatou tini hara. Mehemea e mea ana koe ko koe te tangata tika i te ao nei, kahore rawa ou he, a kahore koe e tika kia wha.ri i ou hara ehara koe i te tangata engari lie anahera pea otira i whakahengia ano ia nga anahera e te Atua (Hopa 4, 18.) Heoi ra, e taku potiki, ma to te Atua atawhai tatou tahi e tiaki. Na to matua aroha, Mom Turei.
Permanent link to this item
https://paperspast.natlib.govt.nz/periodicals/PIPIWH19041001.2.18
Bibliographic details
Pipiwharauroa, Issue 80, 1 October 1904, Page 11
Word Count
975KI TE KARERE A MAHURU. Pipiwharauroa, Issue 80, 1 October 1904, Page 11
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in