TE WHAKAPONO NOA.
KI te pakeha e rua nga tu ote whakapono, he whakapono noa (credulity) he whakapono tika (faith). He take ano i whakapono ai tatou kite Rongo Pai, na te mea e tino mohiotia ana te taenga mai o te Tama a te Atua kite ao, i mohiotia ai ia ko te Tama a te Atua no te mea i mahia e ia nga mea kahore nei e taea ete tangata. I mea a Mahomete he poropiti ia nate Atua otira kahore rawa ana merekara heitautokoi tana kupu, na konei ko te whakapono o te hunga i whakapono ki aia he whakapono noa. Kahore rawa he tohu r.a te Atua i homai te paipera koura ki a Hohepa Mete, otira i whakapono etahi tangata ki ana korero—he whakapono nca tenei. Ko te whakapono o te Maori ki nga tohunga he whakapono noa. I mea a Wereta i puta mai te Atua ki ia a, a i whakapono noa etahi tangata ki tana kupu. Ko nga tangata whakapono noa ko nga tangata kei te kaha tonu te ngakau maori. I nga wa e kuare ana te iwi Ingarihi i whakapono ratou ki nga mea e whakaponohia noatia nei e te Maori, otira kei te kata ratou ara o o ratou uri ki nga mea teka noa i whakaponohia e o ratou tupuna, waihoki kei te haere mai te wa a tenei ano heki “kua pa te titaha kei te take o nga rakau,” e kite aite Maori i to ratou tamariki Id te whakapono noa ki nga mea tito. E kore rawa tetahi tamaiti Maori tino mat an e whakapono ki nga mahi tohunga. He matauranga ano to etahi tangata o te maori otira he matauranga maori kahore i puta mai i roto i nga kura na konei te tangata i whakapono noa ai ki nga mahi tinihanga a nga tohunga maori. Ka marama i konei te tikanga o te kupu e mea nei, “ E mate
ururoa te mate o te whakapono maori,” ‘ Superstition dies hard.” E tino miharo ana matou ki elahi tamariki i kuraina nci ki Te Ante ki to ratou whakapono noaki nga main tohunga, hua noa matou kua whiti atu ratou ite pouritanga kite maramatanga kaore kei te koiri tonu ia te whakapono maori i o ratou ngakau. Ka lino tika mo ratou nga kupu i runga ake nei ara, “ E mate ururoa te whakapono maori.” Hei tino whakamarama i te whakapono noa ara i te whakapono maori me whakataki ake e matou tetahi korero mo etahi maori tua ngahere o Turanga nei. Ko te wahi i mahi ai eaei tangata ko Poututu, 150 nga eka o te ngahere hei tuanga ma ratou, £1 2 6 te utu mo te eka. Ko ta ratou tino mahi i nga ahiahi he “ kopana ” ara ko te takaro a te pakeha e pupuri nei nga ringaringa kite teepu ki te pouaka ranei kia nekeneke ai te teepu kia kopana ake ai ranei i runga i nga patai iho, e ai te korero a nga tangata whakapono ki tera tikanga, ko matou hold kahore ano kia rongo noa i te pouaka e kopana ake ana e nekeneke ana ranei.
He korero na nga tangata o Turanga nci i nga rerenga o Te Kooti i te Kawanatanga c whai ana i a ia ka hunaia c ia ana moni £ISOO ki Makaretu. Na i uia ete tohunga 0 enei tangata ki to ratou atu kopana kia whakaaturia ki a ratou te wahi i takoto ai nga moni a Te Kooti, a whakaaturia ana e to atua kopana. Ko te huringa tenei o nga whakaaro o nga tangata nei kua mea kia whakarerea ta ratou mahi, e 50 ano nga eka 1 te tu, kia whakarerea te £l7O pauna, kia tikina ko te te mea kei te puranga, heoi ano te mahi ko te whawhao kite putea i te mea kua whakaaturia mai e te atua te
wahi i takoto ai. Ite atatu ka eke nga tangata nei ki o ratou hoiho, ka haere mai i Poututu ki Makaretu, i tat a pea kite 40 maero te tawhiti. Engari i whakatupato ano a Ruka, te waka o atua " kopana," kia kaua e tata mai ki a ratou ta ratou hoiho peeke kei 110 a ratou i nga kai i runga i taua hoiho. Ka haere te iwi nei, ka titaha te ra ka heke te rangi, nawai a ka tinga te hoiho o te tohunga. Nawai ra i waho te wai ka uru kei te kiri, kua timala tc whakawareware a te tohunga, kua wehi kei mau tana tinihanga, kakie kore e kilea te puranga moni no te mea i tata rawa mai ki a ratou te hoiho had i nga kai. No konei kua mohio nga hoa kua oti ratou te tinihanga, kua riri ki a " kopana." Kati ano to ratou raruatanga te tinihanga, tena no te hokinga atu ki ta ratou mahi ka kiia mai e te pakeha kia hoki mai, kaore hoki i homai te utu. Ma tenei korero e ata whakaatu te whakapono noa o te Maori, a me korero ake pea i konei he kupu-whakarite na te pakeha. I tetahi kuri e whakawhiti ana i te arawhata mete iwi i tona waha ka kite iho ia i tona ata i te wai na ka mea ia kia tangohia e ia te iwi ate kuri ite wai. No tana apunga i te ata ka makere te iwi i tona waha kite ai heoi ka ngaro tana kaore hoki i mau i a ia te ata. Ko te he o te kuri nei he apo, ko to nga tangata nei he kuare. I ngaro te utu ota ratou mahi, i ngenge noa hoki ratou ite whainga i te atarangi. Mana noa enei tangata e aro atu ki nga mahi kehua ki nga mahi tohunga a muri ake nei. He pepeha na te pakeha, " I pouri ratou engari i matau."
Permanent link to this item
https://paperspast.natlib.govt.nz/periodicals/PIPIWH19040701.2.2
Bibliographic details
Pipiwharauroa, Issue 77, 1 July 1904, Page 1
Word Count
991TE WHAKAPONO NOA. Pipiwharauroa, Issue 77, 1 July 1904, Page 1
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in