HUI A TE HAHI KI MAKETU.
PEPUERE 18, 1904. WHAI-KORERO A TE PIHQPA. E hoa ma, e nga Minita, e nga Mangai o te iwi, Tena koutou. TE mahi a te Hui o te Hahi Maori, he hurihuri i nga mea e tupu pai ai te mahi a te Hahi i roto i te ivvi Maori; nga kaimahi hoki o tenei, ko te tangata Maori. I mua, i te kuwaretanga o te tangata Maori, he pakeha nga kai-whakaako. Inaianei kua tokomaha nga Minita Maori, otira kua koroheka etahi o ratou, i kore ai e kaha te mahi. Koia i tika ai kia whai-whakaaro nga tangata 0 te Hahi kia tukua he taitamariki kite Kura i Te Raukahikatea, kia whakaakona ai hei whakakapi i te tunga o nga kaumatua ka tata nei te ngaro atu. I enei tau ka mahue ake nei, e puta mai ana i Ingarani he moni liei awhina i te Plain Maori. _ I te mutunga o te tau 1902 kua kore he moni e puta mai i reira, kua waiho hoki ma te Hahi i Niu Tireni nei ona ake mate e whakaaro. I haere mai tenei ahau i Akarana, i te Hinota Nui o te Hahi. Tetahi tino take korero i taua Hinota, ko te whakakaha i te taha Maori o te Hahi. I tika ai te ki, "he whakakaha," ehara i te mea ma te taha Pakeha anake e whakaaro, engari ma raua tahi ko taha Maori; kia puta hoki te uaua o te taha Maori ka kakama ai te taha Pakeha kite whakakaha. Te ora o te Hahi, ka kitea kite ahua o nga mahi. I mua, i te mea katahi te iwi Maori ka tahuri mai kite Whakapono, nui atu te ngahau o nga mahi katoa; kiki ana nga whare-karakia ; e ngakau-nui ana te tini o te tangata kite kura ; mete ata noho ano te katoa. Inaianei kua rere ke te ahua. He maha nga kainga e hapa ana i te Wharekarakia. Hei te wa o te karakia ka kitea te ngakau-kore o te tangata, mete nui haere ano nga mahi tutu. Tetahi tino take o te he ko te takahi a te tangata i te marena; ina hoki he tokomaha inaianei kua oti te marena, muri iho kua mawehe. Wareware tonu iho ta te Atua ture kia pumau tonu raua ki a raua, kia riro hoki te tokorua hei kikokiko kotahi. Ta te Atua i whakarite ai hei taonga mo te tangata, vvhakaputaia ketia ana hei raruraru. Kaua nga matua e porangi ki te whakarare i te marena mo nga tamariki i
te mea kahore ano aua tamariki kia ahua pakeke. Kaua hoki e marenatia ite mea kahore ano i mohiotia to raua pai ki a raua, ko tetahi tino take nei hoki tenei i hohoro ai te mawehe tetahi i tetahi. Tetahi mahi nui ma te Hahi he whak ahold mai_ ite hunga kua kotiti ke. He tokomaha i tenei takiwa e kiia nei he Rino-a-tu. Tetahi mea e tahuri mai ai te Ringatu, ko nga tikanga pai o te whakapono ki a Te Karaiti kia kitea nuitia ki nga tangata o te Hahi. Tena kite tirohia mai e nga tangata o waho ko nga mahi tutu e hua ana i roto i a tatou, e kore rawa ratou e anga mai. Heoi ano te mea e puta ai i a tatou nga hua pai, ko tatou kia uki roto ki aTe Karaiti. Kua homai hoki e ia ana Hakarameta hei 1113 a e whai kaha ai, e whai manawa ai o tatou wairua, e taea ai hoki e tatou nga mahi katoa kua rite mai nei i a ia hei mahi ma tatou.
Permanent link to this item
https://paperspast.natlib.govt.nz/periodicals/PIPIWH19040701.2.18
Bibliographic details
Pipiwharauroa, Issue 77, 1 July 1904, Page 10
Word Count
613HUI A TE HAHI KI MAKETU. Pipiwharauroa, Issue 77, 1 July 1904, Page 10
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in