TE TOHUNGA MAORI.
(He mea whakantaori mai end hovero no te Poverty Bay Herald.) KO tetahi taru kino tenei ka tipu kei waenganui o te iwi Maori. E mate ai, e ngaro ai tenei taru me tapahi i te putake, a, mana noa e maroke. E kiia ana hoki e rite tonu ana te tohunga kite minita, na reira waihotia ia kia kauwhau ana i ana whakaakoranga kite hunga e whai ana i a ia. Mehemea koia nei anake tana mahi e pai ana, olira mehemea epa ana kite tinana tetahi wahi e tika ana kia ata tirohia. He iwi hohoro te Maori kite whakapono noa ki nga mea katoa, me tona awhi ano i aua mea, ahakoa he mea teka. Te kehua, te wairua kino, he mea e whakaponohia ana e te Maori, ano he tinana o aua mea. E wehingia ana te tangata waka-kehua. I nga wa o mua he rangatira, he tapu, he wehi, te ahua o te tohunga i enei ra e tohunga te tangata i runga i ana mahi tinihanga ahakoa tangata kino. Kua waiho inaianei ma nga whakarawenga, ma nga mahi whanoke e whakatu hei tohunga mahue ake nga tikanga tapu tika, o mua. I miharo ahau i taku taenga kite Tai-rawhiti, kite tini ote tangata e whai ana ite tohunga tane, wahine, tamariki, me nga kaumatua ano hoki. Ahakoa he iti te mate e haria ana kite tohunga ki tona “ temepara.” Ko nga tangata e mahi ana, mahuetia ake nga mahi ka haere ki nga poropiti. Ko te mate tino nui kei te rohe o Waiapu i enei ra he rewharewha (influenza) ko nga rongoa a nga tohunga rereke noa atu i a Takuta Pomare i tohutohu ai. Ite tapu ote “temepara” ka unuunuhia nga hu. Ko te tohunga e tino whakapono ana kite wai matao hei rongoa. I kite ahau i etahi tangata i hoki mai i te temepara i hemo kite kainga. Tetahi lino mea pouri kite haere kite pa o Waipiro, e takoto ana i tena whare he taitama 18 pea nga tau i hoki mai ite Awanui.. Ite tirohanga atu mohio tonu iho e kore e maha nga ra ka hemo. I tetahi whare atu e takoto ana he kotiro, i te ora tonu, i te kaha tonu i etahi wiki atu, inaianei kua takoto kei runga whariki, e tatari ana kite wa e moe ai nga kanohi (no lera Paraire i hemo ai). Mete mea nei kua pangia katoatia e te mate etahi o nga whanau ote pa. Nga tupapaku katoa o Waipiro ite wiki kotahi tokorima, tena ano etahi e whai i mud i enei. Kite penei tonu te hinga ote tangata e kore e roa, kaore he morehu hei karakiatanga ma te tohunga. Ko wai ma hei peehi i tenei hanga kino ? E mohio ana nga
pirihimana he mea tenei kei te mahia e te Maori, heoi e kore e taea e ratou te whakapa noa he take hei mea e whakawakia ai te tohunga, e kore ano hoki etahi o nga Maori e whaki i nga mahi he o te tohunga i to ratou wehi i taua nanakia. Kahore ano kia tu noa he taiapa arai atu i tenei mate e patu nei i to ratou iwi ate Kotahitanga oTe Aute. Kahore rawa a ratou motini whakahe i tenei mahi huna tangata i ta ratou hui i tu ki Te Arai. Na reira e Ngata, e Kohere, e Wherehi, e Ngatai, me era atu katoa, whakapaua 0 koutou whakaaro mo tenei mea. E taea e koutou tenei mea te whakangaro, awhinatia nga pirihimana kia mau tetahi, a, ma te kooti e rapu tona whanuitanga. E kitea ana e koutou te hua o nga mahi a te tohunga i te Tai-rawhiti. Kaua hei wehi i nga kaumatua e whakapono ana ki enei mahi, ko taua mea nei e patu nei i to koutou iwi. Na katoa tenei mahi, he aha kia whakaroaina. E kiia koutou he tamariki kahore e mohio, otiia kia pehea rawa to koutou matau, titiro e patu nei 1 nga tinana i nga hinengaro, e huna nei i to koutou iwi. Kaua e mea a taihoa ka kite te maori i te he o enei mahi, kei tae rawa aks ki taihoa kua taihoa to koutou iwi ki te’, po, Whakaaria he utu ma te tangata e mau ai tetahi he o te tohunga hei mea e whakawakia ai. Kite penei a koutou mahi nui ke atu te pai i a koutou korero noa iho i nga huihuinga e 40 o to koutou Kotahitanga.
Permanent link to this item
https://paperspast.natlib.govt.nz/periodicals/PIPIWH19040601.2.3
Bibliographic details
Pipiwharauroa, Issue 76, 1 June 1904, Page 2
Word Count
761TE TOHUNGA MAORI. Pipiwharauroa, Issue 76, 1 June 1904, Page 2
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in