TE POOPA.
NO te 20 o nga ra o Hurae nei ka mats IN te Popa, te upoko ote Hahi o Roma, te Hahi Pikopo. E93 ona tau, e25 nga tau i tu ai ia hei Popa. Kaore pea te nuinga o te Iwi Maori i te mohio Id te ahua o tenei tangata. Ko te Popa te upoko o te Hahi o Roma i te ao katoa, kei runga ia i nga pihopa i nga akepihopa me nga katinara ; ki ta te Hahi o Roma Id ko te Popa te riwhi o te Karaiti i tenei ao ; ki ta ratou ki ano ko Pita te pihopa tuatahi 0 Roma, ko nga popa katoa e noho ana kite torona o Pita. Otira kaore a te Karaipiture whakaatu i tae a Pita ki Roma, i tu ranei ia hei pihopa mo Roma. Kaore ta te Popa kupu eheeai te ki a nga pikopo. Te pihopa tuatahi o Roma i whai kia nui tona mana ki runga ake i o era atu pihopa katoa, ko Tepene. I noho ia ki Roma ki te pa i noho ai te kingi, i kite ia i nga kawana katoa o nga wain i raro i te mana 0 Roma e tuku ana ki raro i te kingi o Roma, na reira a Tepene ka mea he mea tika kia pera te tikanga ote Hahi mete tikanga ote kingitanga, ara me tuku era atu pihopa katoa ki raro i a ia, he penei te pikinga o te mana o te Popa, nana noa i whai kia tu ko ia hei upoko mo te Hahi. I nga wa o mua i whai te Popa kia uhi tona mana ki nga whenua katoa ara kia nui ake ia 1 nga kingi, kia rua ona mana ko te mana tangata ko te mana wairua. Itu he ope hoia mana, i haere hoki ia kite whawhai. Ko etahi popa i nui ke atu to ratou hiahia kite mana tangata i to ratou hiahia ki te mana wairua. I nga wa o mua i tino kaha te popa kia tuku ki raro i a ia te kingi 0 Ingarangi, otira na te kaha tonu o nga kingi ka puta ratou. Ko te mana ote Popa inaianei he mana whakapono anake, kaore nga kingi i W'hakaae kia tu ia hei rangatira mo ratou. I mua ko te Popa tonu te kingi o Itari otira na te kaha o te iwi ka whakawhaititia tona mana ki te hahi. I etahi wa e rua nga popa i whakaturia, katahi ka anga kite whawhai ki a raua ano mo to raua mana. Ko te ingoa o tenei popa i mate nei ko Reo xiii, he tangata matau he tangata pai, engari i nga wa o mua ko etahi o nga popa he tangata kohuru, he porangi. No Reo xiii tetahi o nga whare ataahua atu i te ao katoa (the Vatican), he ope hoia ano tana hei tiaki i tona wnare. Ka nui te kaha o te Hahi Pikopo inaianei ki te inoi kia atawhaitia e te Atua te wairua 0 te Popa.
Kaore rawa te Hahi o Ingarangi e pai ki te Hahi o Roma, e whakahe ana hoki te Hahi o Ingarangi kite Hahi 0 Roma. He maha nga whakaakonga tino he ate Hahi Pikopo. Ki te ki a nga tangata kuare i puta mai te Hal i o Ingarangi i roto i te Hahi Pikopo—he tito tenei korero na nga tangata kuare. Ko Akutini te tangata tuatahi o te Hahi o Roma i haere ki Ingarangi, tae rawa atu ia kua u noa atu ia te Rongo Pai ki Ingarangi, he hahi ano ia to Ingarangi ko ia nei te matua mai ote Hahi o Ingarangi—he teka rawa atu te ki ko te Hahi 0 Roma te matua o te Hahi o Ingarangi. Kua tu ko Katinara Sarto hei Popa, kua huaina ia ko Piu X.
Permanent link to this item
https://paperspast.natlib.govt.nz/periodicals/PIPIWH19030801.2.8
Bibliographic details
Pipiwharauroa, Issue 66, 1 August 1903, Page 5
Word Count
654TE POOPA. Pipiwharauroa, Issue 66, 1 August 1903, Page 5
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in