I MATE I TE PU OHO.
Ki te Etita oTe Pipiwharauroa.
EHOA, tena koe. E hoa mau e tuku atu enei kupu ruarua, kia rongo mai te iwi mo tetahi aitua nui i pa ki etahi tamariki tane tokorua ki a Rangi Peehi raua ko Haupai Pohatu i te ata o te Taite i te 3 o nga ra o Hurae. I haramai a te Haupai Pohatu me tana pu, tae mai kite kainga o Rangi Peehi, pono mai e kai ana ratou ko ana tuakana, ka kite mai a Rangi i tana hoa ka puta mai hold ia me tana pu ; ka ui atu a Rangi, e hoa lie maha ano o katereti, ka ki atu tana hoa e ono aku ka ki atu a Rangi kotahi tana. Ka ui mai ana tuakana e haere ana korua ki hea ? Ka ki atu a Rangi kite pupuhi he ra vvhakamutunga no maua ki te pupuhi maau, e haere ana hoki in ana kite tope ngaherc. Ka haere atu raua i te kainga, he roa te haerenga ka tae kite karapuke kirikiri, ka haere tetahi i tetahi taha, ka haere tetahi i runga i te karapuke, ka rere te peihana i a Rangi ka puhia e Rangi kaore i tu katahi raua ka haere ki tetahi rdto, ka tae atu raua kite taipa waea, ka kuhu atu a Rangi i te tuatahi ka puta atu ki tua, katahi ka pehia te pu a te Haupai e te waea i kuhu atu ra tana hoa, ka kuhu atu ka puta atu ki tua rere ake ana te waea ka kumea e ia te pu ka mau nga hama i te waea o runga, Tana mohiotanga ka paku te pu ka tukua te pu ki raro, tani ano ka paku tona rua nga waha, tu t mu atu ki tona hoa. Ka karanga mai te hoa e hoa ka mate au, ka peke atu tetahi ka tangi raua ; ka roa e tangi ana ka whakawahaia e te Haupai-kaore i taea ka oma tetahi ki te karanga i nga tangata ka tae mai nga tangata ka amongia ki Awamate, tae atu ki te whare katahi ka tirohia nga tu, kotahi i muri kotahi i te kuha, ko enei tu e rua kore rawa he hoota i puta ki waho. Ka tae mai tona tuakana ka patai ki a ia e marama ana koe ka ki atu, Ae kai te marama tonu au, katahi ka korero i oho tetahi o a raua pu tana ranei ta tona hoa ranei, ka ki ake a te Haupai kaore ko taku i oho. I te aiahi ka amongia ki tona kainga, i te 9 o nga haora i te po ka hemo, hui katoa mai nga tangata o Tahaenui Te Whakaki Nuhaka me o Nukutaiirua, kia kite i a ia. I te 11 o nga haora i te Hatarei ka whakawatia, kotahi te tiepi me te pirihimana, tokowha nga pakeha rangatira, ka tokoono ai ratou nana i tirotiro tenei raruraru, ko Turei Rarere nana i korero te taha ki te tupapaku, ko te Haupai nana ano i korero te taha ki a ia ano i runga i to raua whakahoa i roto i nga tau e 3 tae noa mai nei kite taima i mate nei tona hoa. No reira ka
whakataua e te Komiti he pu oho, ka ora i konei ate Haupai Pohatu. Ite 4 karaka o taua rangi ka tanumia a Rangi Peehi. Ka poroporoaki a te Haupai ki tona hoa, “ E hoa hoatu e kore e roa ka kite ano tana,” kati ko te Haupai he tangi anake te mahi inaianei kai te tiakina ia e nga tangata inaianei koi kohuru. Heoi ano na to hoa aroha, Hori Te Ihi. ukutaurua. [ Kanui nga tangata i mate i tenei tau 'i te pu oho, pakeha, maori. Ite whakamaunga a taku papa i te pu ki taku ringa i au e iti ana ka tohutohu ia ki au, “ Hei raro i to keeke nga hama ote pu; ki te mea kei mua i a koe to hoa, hurihia te waha o te pu ki muri, ki te mea kei muri i a koe, huria ki mua.— Etita.]
Permanent link to this item
https://paperspast.natlib.govt.nz/periodicals/PIPIWH19020801.2.21
Bibliographic details
Pipiwharauroa, Issue 54, 1 August 1902, Page 11
Word Count
701I MATE I TE PU OHO. Pipiwharauroa, Issue 54, 1 August 1902, Page 11
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in