MO TE PATU I TE KARAKIA.
HE tohutohu enei ki nga tangata katoa e hiahia ana kia mate te karakia. E te whanau kite aru koutou i aku whakahaunga e kore e roa kua hemo te whakapono o te pariha. i. Kite tangi te pere karakia, kia kaha te rapu take e kore ai koe e tae kite karakia. Me ki koe he maku, he para no te hnarahi, he mate moe ranei non. 2. Kite haere koe kite karakia kia mutu noa atu te tangi o te pere ka haere ai, kia tae rawa atu ai koe kua tata te mutu. 3. Kaua e mauria he pukapuka, kia korero pukapuka ai, kia waiata ai etahi ka noho-puku koe aa. 4. Ka noho, kia tau rawa taha ki raro, kaua e njho ponpou, engari me whakawnirinaki; ka tu etahi ki runga, ka whakawhirinaki tonu koe na, wharoro rawa. Mehemea he paraikete ton katahi ka tiuo pai rawa, ka hohoro tonu te tae mai o te moe ki a koe, a tae rawa ake kite kauwhau kti te ngongoro i a koe na. 5. Kite k re koe e tupono kite moe, me korero koe i te nupepa i etahi atu pukapuka ranei; k i nga wahine he tamariki pakupaku a ratou me matakitaki ki a ratou tamariki. 6. Kite roa rawa te karakia, me hamumu to waha, me tuaharoa, me ngetengete raaei, a mehemea kei te whare maori te karakia, kia tere tonu te takiri i te maati hei whakau i to paipa i muri tata tonu iho o te ‘ Amine ’ whakamutunga. 7. Ko te ahua i te wa o te karakia, me ngakaukore, kaua e titiro kite kai-karakia, engari kia ngoikore te ahua. 8. Kite tomo koe kite whare karakia me whakaaro koe he tino honore nui tera kite minita, kite Atua ; i te mea tonu e tomo ana ki roto o te whare karakia. Ma etahi atu te karakia. He iti ia nei te tomokanga ki roto kite whare karakia ? 9. Mehemea he ohaoha, kaua rawa e hoatu e koe he pene kotahi, waiho tau mea hereni hei hoko poro tupeka mo to paipa, hei mea whakamakuku ranei mo to korokoro. 10. I te wa o te karakia, me puta ke o whakaaro kite ao katoa haere ai ; kia manawanui tonu mete mea nei e patua ana koe ; i te mutunga o te karakia kia hari, kia tataki, kia ka-
Kama, mete mea nei kua taka atu tetahi pika' unga taimaha runga i to tuara. 11. Kaua rawa e awhina i te minita. 12. Korerotia nga he o te minita, onahauatanga, te reka kino ranei o tona kauwhau. *3* Kaua rawa e tango i te Hapa a te Arikh waiho atu ki nga koroua ki nga kuia tena whakaaro, ko ratou anake hoki te hunga he wairua o ratou. Kite rongo koutou ki aku kupu, ka kino ta tatou nei haere! Heoi ano, Na Nehe Hatana.
Permanent link to this item
https://paperspast.natlib.govt.nz/periodicals/PIPIWH19020801.2.17
Bibliographic details
Pipiwharauroa, Issue 54, 1 August 1902, Page 9
Word Count
488MO TE PATU I TE KARAKIA. Pipiwharauroa, Issue 54, 1 August 1902, Page 9
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in