HE KUPU WHAKAHAU.
ENG A hapu, e nga iwi o nga motu kua haerengia nei e au, whakarongo. He kupu whakahau ano tenei naku ki a tatou kia kakama kite mahi i te takiwa e whiti ana te ra, kei rokohanga tatou e te pouri poke rekere ka mate. He ra tenei kei a taua te —whakamahia. Taku mahi he whakarongo ki nga tai pakeha e wawara nei i te motu nei, na ko te tangitenei, “Kua hoatu rfgawhakahaere kite Iwi Maori, tatou ka titiro kite kore ia e tahuri kite v/hakamahi ite taonga kua hoatu nei me tango, a ko te mutunga tonu tena o ta tatou titiro a muri atu.” E te iwi matakitaki kei peneitia tatou, katahi he pouritanga e kore ai e marama. He mahinga nui ra*va na to tatou Minita me ona hoa i te ao i te po i riro mai ai enei ture ki o tatou arcaro. Kei maumauria e tatou enei mauiuitanga, kei waiho tatou hei taunutanga ma nga iwi o te ao. Na i au:i haere nei i nga mctu, kb nga kupu nui e rongo aku taringa ko te ‘ ae ’ raua ko te ‘ taihoah : He kupu atahua enei engari kei tito. He kupu pai te ‘ae’ko te mutunga mai hoki tena o ta te ngakau ko te mahi i te mea,o muri atu, a he kupu pai ano te taihoa’, engari he kupu pohehe, kaore e mohiotia tona mutunga mai—ko akuanei ranei ko apopp ranei, ako ake tonu atu ranei. Kati he iwi whakaae toku ki nga mea tika, engari me kinaki te ‘ ae’ kite mahi katahi ka reka—ma tenei katahi ka ora. Kua tata te pan nga motu nei te haere e au a kua hoki tuaruatia e au etahi waahi i tata ki taku huarahi. Na kanui te kaha o etahi hapu kite whakapai i o ratou kainga, otila ko etahi ko te nuinga kei a taihoa tonu e haere ana. - " Kati he kupu tenei naku kia mutu atu a ‘ taihoa ’ kia waiho ma naianei emahi ; ko te take kua.tipu:haere nga niho o Kiore, a kei penei tonu ka riro .ma te pakeha tauae akiaki, katahi ka pai ranei ka kino ranei ? Ka pai pea kia mahi ai, otira ki au katahi ka kino, ka taimaha ka pakeke. . Heoi kia kaha te mahi i te ora mo tatou. Na ta koutou Takuta aroha, Maui Pomare M.D.
Permanent link to this item
https://paperspast.natlib.govt.nz/periodicals/PIPIWH19020801.2.13
Bibliographic details
Pipiwharauroa, Issue 54, 1 August 1902, Page 8
Word Count
398HE KUPU WHAKAHAU. Pipiwharauroa, Issue 54, 1 August 1902, Page 8
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in