HE MARAMARA MATAURANGA.
B 000,000 maero te tawhiti otera ite whenua; kua 100,000,000 nga tau ote ra, a ki te penei tonu te kaangia kia whitu kia tekau ma rima ranei miriona tau e tu mai nei e pau ai te ra. Te nui o te taiawhiotanga o te whenua e 25,000 maero ; kite pokaina mai i tetahi taha ki tetahi taha ma waenganui e 8000 maero; kotahi koata o te whenua he whenua maroke, e toru koata he wai: e kiia ana 1500,000,000 nga tangata o te ao, i te mea ano ia kaore ano kia timata noa te whawhai a te Poa raua ko te Ingarihi. E 60,000 maero waea korero kei te moana. Kei te whakaarohia kia whakatoroa he waea ‘ whefo katoa’, ara he waea hei hono i Ingarangi ki ona pakau katoa i te ao, a kia kore rawa epa ki nga whenua o etahi atu iwi. Kei te kaha hold te tono a te Kawanatanga o Niu Tireni me nga Kawanatanga o Ahitereiria kia whakatoroa mai he waea i Amerika ki o ratou whenua. Kua whakaaetia tenei waea. Ko te waea mai i Ingarangi ki Niu Tireni i aim mai ma te tua whenua o Uropi o Ahia ; hei Hingapoa kei te rawhiti o Inia ka whakawhiti mai ma nga moutere huhua o te moana ki Ahitereiria ; ka rere i te tuawhehua, hei Poihakena ka ruku mai ano ki te moana, a puea rawa mai i Whakapuaka kei te Waipounamu. Ko nga korero o te whawhai i tukua atu i Awherika ki Ranana, hei reira ka haere mai i te huarahi i whakaaturia ake ra a okioki rawa mai i te uma i te poho o Te Pipiwharauroa. E taea e te hoiho te ora mo nga ra e 25 ahakoa kore ia e kai i te kai maro, engari me inn wai; te 17 ra kite kore e kai e inn ranei ; e 5 ano nga ra ki te kai engari kaua e inu. Te whare teitei atu i te ao ko “ Park Row Building,” Niu loka, Amerika. Te teitei 390 putu, e 29 nga whakapaparanga ; e 54 putu te hohonu kite whenua. Ite papa ki te pito ote pou kara e 501 putu ; e 950 nga tari o roto, e 4,000 nga tangata e mahi ana, e 2,095 na matapihi, e 20,000 tana te taumaha ; £ 600,000 te utu o te hanganga. I te maero kotahi e 2,263 nga whatingatanga o te tangata kaore i tino roa rawa, i tino poto iho ranei; kite haere ia i runga ite paihikara e 572 nga wehenga ona waewae i te maero kotahi.
Permanent link to this item
https://paperspast.natlib.govt.nz/periodicals/PIPIWH19011201.2.16
Bibliographic details
Pipiwharauroa, Issue 46, 1 December 1901, Page 9
Word Count
436HE MARAMARA MATAURANGA. Pipiwharauroa, Issue 46, 1 December 1901, Page 9
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in