RUKA, RONGOPAI.
Oketopa 18. AHAKOA he mea nui ake ana pukapuka i nga pukapuka a tetahi o nga Apotoro he iti 110 a iho te korero i te Kawenata Hou mo Ruka. Heoi ano nga wahi i whakahuatia ai tona ingoa: ko Korohe iv. 14, “Tenei te oha atu nei ki a koutou a Ruka, te rata aroha ko 2 Timoti iv. n, “Ko Ruka anake kei aan ko Pirimona 24, “Ko Rimaha, ko Ruka, oku hoa mahi.” Na enei rarangi i mohio ai tatou he tino hoa ia no Paora i tona noho tuatahi ki te whare herehere ki Roma, i te mea e whai hoa ana ia, i tona hereherenga tuarua hoki, i te mea kua whakama te nuinga o ona hoa ki a ia. Ehara ia ite kotinga, ara ite Hurai (Kro. iv. 11). He kupu tito noa te kupu a etahi o nga tangata o mua ; ko ia tetahi o nga akonga e7O i tukua ete Karaiti; ko ia tetahi o nga Kariki i hiahia kia kite i a te Karaiti ( Hoani xii. 20) ; ko ia tetahi o nga akonga tokorua i haere ki Emauha ( Ruka xxiv. 13 ). Tena ko tenei i tika pea ta Euhepiu, ta Hierome, he tangata ia no Anatioka : i mohio hoki ia ki nga mea ote Hahi i reira. Kite ki a Akutini i reira ia ite takiwa i puta ai te kupu a Akapu mo te mate-kai meake nei epaki te whenua (Mahi xi. 28). Ki te mea e tika ana tera he mea whakatahuri pea ia e Paora i te mea e mahi ana raua ko Panapa ki reira. Engari kaore he kupu tuturu i a Paora ia i mua atu i tona haerenga ki Makoronia, (Mahi xvi 10;. Na te whakahuatanga i te kupu 1 matou ’ i mohio ai tatou kua urn ia ki nga hoa o Paora ki Toroa. 1 tikina pea ia he taumaha no te mate o Paora, he takuta hoki ia. I piri ia ki a Paora iaia e haere ana ki Piripi. I mahue hoki ia ki reira, i whakahuatia hoki te ‘ratou’ ( up. xyii. 1.) Ite mea kua pahure nga tau e whitu ka hoki a Paora ki Piripi—ka whakahuatia ano te kupu ‘matou’ (up. xx. 5). Kahore kau he kupu mo ana mahi ki reira, engari e mea ana nga kaumatua o te Hahi, i te whakaora ia i nga mate o te tinana ote wairua hoki ; ko ia hoki te tangata i korerotia e Paora (2 Kri. viii. 18) “te teina kei nga hahi katoa nei te whakamoemiti ki a ia i roto i te Kongo pai ara i runga i tona kaha kite kauwhau ite Kongo Pai. Ki te mea ko ia taua teina i whakahoatia ia ki a Taituha ki te kohikohi i
nga ohaoha mo nga teina rawakore ki Hiruharama. I haere tahi raua ko Paora ki Hiruharama ( Mahi xxi. 18). I Hiharia hoki ia i te takiwa i whakatika ai a Paora ki Roma. I urn hoki ia ki nga raruraru ipaki a Paora i tona haerenga. Kahore kau he kupu mona i muri mai o te taenga atu ki reira. He nui noa atu ia nga kupu tito noa a etahi o nga kaumatua o te Hahi mo tona whakamatenga, mo tona kaha hoki kite tuhituhi whakaahua. No mua atu i te tau 168 a.d. te kupu nana te Rongo Pai me Nga Mahi. He mea marama hoki te kupu i te mihi ki a Tiopira na te tangata kotahi aua pukapuka. I mohio ia ki nga mea ipaki a Paora, ko tona hoa hoki ia : a i a Paora e noho herehere ana ki Hiharia i rongo pea a Ruka ki nga korero mo te Karaiti, i whakaritea nei e ia hei Rongo Pai hei whakaako i a tatou.
Permanent link to this item
https://paperspast.natlib.govt.nz/periodicals/PIPIWH19011001.2.8
Bibliographic details
Pipiwharauroa, Issue 44, 1 October 1901, Page 6
Word Count
635RUKA, RONGOPAI. Pipiwharauroa, Issue 44, 1 October 1901, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in