TE KEHUA.
Te Rerenga Wairua. Ki te Etita o Te Pipiwharauroa. BHOA man e tuku atu aku korero whakautu i a koPtou korero mo tenei mea mo te kehua. Na, e hoa ma e nga iwi Maori, Pakeha, e ki nei bore kau he kehua : malm tonu e ki atu ki a koutou, he tino pono tenei mea te kehua. Ko nga tangata e noho ana ki Parengarenga i runga tata mai o te Rerenga wairua, kanui te kite i te tupapaku e haere ana i te one o Muri-whenua. Kite tae koutou kite pito o te motu nei e kiia nei ko te Rerenga Wairua ka kite koutou i te pono o tenei korero mo te kehua. Kei reira tetahi huarahi nui e takoto ana, hore kau ra hoki he tangata o reira, mete aka e maro ana ki raro kite moana, e kiia nei ko ta aka o te reinga. Ko runga o taua aka marake ana penei te pai i te alma o te marae i te hui ki Rotorua nei. Kei reira tetahi korari ( harakeke) e tupu ana iuaianei, e kitea tonutia ana e nga tangata te ponaponatanga i taua korari, no namata iho a tae noa mai ki naianei. E kiia ana e nga kaumatua na te kehua tonu i ponapona aua korari? Te 15 pea macro te tawhiti atu o taua wahi i te kainga o.nga Maori, a he aha hoki te pai o te tangata i whakangenge noa ai i a ia kite haere ki reira ponapona ai i taua korari. Katahi tenei paina mo nga mea e kore nei e kitea e te kanohi hei whakaponotanga. Na wai ra taua mahi ? Na to hoa Taita, Dargaville. Na Eru Piko. [ Kanui te rekareka o nga korero a Eru Piko —kia kotahi korero eta i te putanga kotahi—he tu tonu no te korero tara te ngahau kite whakarongo a te taringa. E hoa he rongo korero ranei o korero kehua, nau ano ranei i kite, no te mea e mohio ana tatou he tikanga na te Maori te whakanui, te whaka.aae, te whakangako i te korero ? Kua tae ranei k e kite Rerenga-Wairua, inahoki ko to kainga ko Taita kei tawhiti noa mai i Muriw henna ? Ehara ranei i te hau i whakamarake te huarahi kehua e korero nei koe no te mea he tino kaha atu te hau kite Rerenga-Wairua ? E kore ranei e taea e nga tangata i tae ki reira te ponapona te harakeke e ki nei koe, no te mea i tae ano hoki ia he tangata ki reira e ai ki a koe, mehemea na te kehua i korero mai ki a koe te ponaponatanga o te harakeke, katahi ka tika, tena koa e haeretia ana ano i a te Rerenga-Wairua e te tangata. I haere kite aha nga tangata na ratou i kite nga ponapona-
tanga ote harakeke ? E boa ehara au kehua i te wairua inahoki i marake ai te whenua te takahi ( he puutu pea o ratou ) i mohio ai kite heie ite harakeke. Kite haere atu ahau ki kona ko taua e haere kite Rerenga-Wairua. E kite tuturu ranei taua i te kehua ? —Etita. I
Permanent link to this item
https://paperspast.natlib.govt.nz/periodicals/PIPIWH19011001.2.22
Bibliographic details
Pipiwharauroa, Issue 44, 1 October 1901, Page 11
Word Count
530TE KEHUA. Pipiwharauroa, Issue 44, 1 October 1901, Page 11
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in