"TAKITUMU."
Ki te Etita o Te Pipiwharauroa. TE Manu tangi pai, e whakaatu ana tona reo ite taenga ki te tau hou. Tena koe kia ora nga kai hautu ia Te Pipe E hoa, tena hoki tukua atu enei korero, kia kuitia atu e Te Pipi ki nga marae e rere ai ia, ahakoa tika, ahakoa he, kb enei kupu kia rangona, hei matakitaki. Tera he waka i rere mai i Hawaiki, ko Takitumu te ingoa, ko te wakatenei i eke mai ai a Tamatea. E rua nga Tamatea kei konei e korerotia ana (i) Tamatea Pokaiwhenua, (2) Tamatea Kairewa. Ko Tamatea Pokaiwhenua tera i eke mai i runga i a Takitumu. Ko tenei waka i u tuatahi mai ki tenei awa ki Rangaunu, he puaha tenei awa no Kaitaia, e tata ana ki Parengarenga, ki te awa i Muriwhenua. I noho a Tamatea Pokaiwhenua ki Rangaunu me Kaitaia. I noho tahi hoki a Tamatea ki a Kauri kite tama a Tawake. I runga i nga korero kei konei i whanau ki konei te tama tuatahi a Tamatea Pokaiwhenua ; huaina iho te ingoa ko Muriwhenua tenei tama a Pokaiwhenua i tau ai te ingoa a Ngaitamatea ki nga iwi kei era takiwa, tae atu ki Muriwhenua. I mutu ai te noho a Tamatea ma ki konei, he kore no Rangaunu me Kaitaia i riro i a raua ko Kauri, he whenua pai hoki enei, he momona. I tautohe hoki a Tamatea ma ki tetahi tangata ko Ruakerepeti te ingoa, kia riro mo raua a Rangaunu. I mea a Ruakerepeti, e kore ia e pai kia riro tika taua whenua i a Tamatea ma, engari me keri e ratou ko tona iwi he awa kia rere mai te awa o Kaitaia hei taupoki i taua whenua. I pera ano hoki a Tamatea ma, e kore raua e waiho tika i taua whenua, engari me whakakino, me keri e raua he awa kia puta ki te tai tuauru kia puta mai te moana hei taupoki i taua whenua. Otira kahore ta raua awakeri i puta ki te tuauru, ka whati nga toki ; no reira te karanga nei, “ E Kauri e, ka whati nga toki,” ano ra ko Kauri, “ Waiho ra kia whati ana, e whati ana ki nga main rau a tama a Tawake.” Tenei ano ana waikeri inaianei. Ka mahue te whenua nei i a Tamatea ma ka eke mai i tana waka i a Takitumu ka aim atu ki nga wahi o runga na. Ite mahuetanga atu o Rangaunu i u mai tana waka kite Aurere, e aronui atu ana te tiliro ki Nukutaurua, he toka kowhatu kei te wahapu o Mangonui. No raua i reira, ka tae mai nga kai-pupuri i a raua kia kaua e haere atu, no reira te whakatauki nei, “ He rangai maomao ka taka i runga o Nukutaurua,
e kore muri e hokia.” Ko te haerenga atu o Tamatea kite pokai ite whenua nei. Heoi ka huri, Na Matiu Kapa. Kaikohe, Bay of Islands.
Permanent link to this item
https://paperspast.natlib.govt.nz/periodicals/PIPIWH19011001.2.20
Bibliographic details
Pipiwharauroa, Issue 44, 1 October 1901, Page 10
Word Count
499"TAKITUMU." Pipiwharauroa, Issue 44, 1 October 1901, Page 10
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in