TE MOUTERE O MOTITI.
(/ tuhituhia mo Te Pipiwharanroa.) ETATA ana kite 2000 eka te nui o ■ Motiti, he whenua momona, he paparite. I nga ra o mua i ngaro tonu i te ti, inaianei kua mahia katoatia; ko etahi wahi e takangia ana e te kararehe. II aw lie o te moutere kei te Maori tonu ko te toenga kei te pakeha. Nga kai e mahia ana e te Maori lie kaanga, he kumara, he taewa, he hue me era atu kai, he hoiho a ratou he poaka. Ko nga whenua o nga pakeha kei te takangia e te kau e te hoiho, he nui. E tata ana kite 700 eka e mahia ana e nga Maori hei kaanga, 15 eka hei kumara hei taewa, ko te toenga o te whenua hei takanga kararehe. E 60 eka a te pakeha hei kaanga, e 40 eka he tonapi hei aha atu. Tera pea e eke kite 7,000 peeke kaanga a nga Maori i tenei tan. E hanga whare ana, e hanga poti ana ano nga Maori. Kaore e tuturu ana te rere mai a nga tima o te Notana Kamupene ki konei, n'a reira kaore e rite ana te tae mai o te meera. Kua mutu te haere mai o nga kaipuke heera. Te tawhiti o Motiti i Tauranga 16 macro, i Maketu eg, kite akau e (> macro. Han ai nga Maori i a ratou kai me a ratou hoiho i runga poti, ko nga pakeha ata tono ai he tima. A te Maori ake kai lie poaka, he hipi, he kau, he ika, he koura, he pupu, he kina, he manu, he titi. He mahi ano na ratou te patu tohora, inaianei kua mutu, i te nui o te mahi kaanga, o te hanga whare, o te hari i nga kai kite tuawhenua. Kahore he awa nunui o Motiti, engari e 6 nga
awa ririki he puna ano. engari kaore he repo. Ko to ratou iwi ko Ngatiawa, ko te ingoa hapu ko te Patuwai. Ko te nuinga o ratou whare he whare papa, e whakapaipaingia ana a roto, e pai ana te tiaki. E rua o ratou whare runanga, e 40 putu te roa e 20 te whanui, he mea papa ko runga he tiini, na te Maori nga whakarawenga. Ite otinga o tetahi i tenei tan ka kawangia ano. Kahore he kura o te motu, engari kua takoto noa atu te kupu a te Kawanatanga kia hanga tetahi, heoi e tuku ana ratou i a ratou tamariki kite tuawhenua kura ai, he nui te uaua o tenei tikanga. No te Haiti katoa o Ingarangi nga Maori, engari kite tae mai nga minita o etahi atu hahi ka whakarongo ano ratou. Kahore e tau ana te huka ki konei, engari he nui te hau. Kaore he ngahere, heoi ano he pohutukawa e tipu ana i nga tahataha, he rakau pakeha hoki i whakatupuria. E kaha ana te tupu o nga mea katoa ki konei i te momona o te whenua i te pai o te rangi. No muri iho ano i te whawhai ka timata te mahi a te Maori i te whenua, te whakatupu kaanga, witi. Kahore ano kia okioki te whenua a taea noatia mai tenei ra, kahore he wairakau, otira i tenei tau kite whakaaro tera e rua peeke kaanga mo te peeke kotahi o te tuawhenua e tata mai ana kite moutere. Na konei ka mohiotia te momona o te whenua. [ I mea mai te pakeha nana nei nga korero nei i tuku mai ki a matou kia whakaaturia te nui ote aroha mete atawhai o nga Maori o Motiti ki aia i tona taenga ki reira. E tino mohiotia ana te ma.iaaki i te tangata o nga Maori me nga pakeha o Motiti. — Etita.]
Permanent link to this item
https://paperspast.natlib.govt.nz/periodicals/PIPIWH19011001.2.2
Bibliographic details
Pipiwharauroa, Issue 44, 1 October 1901, Page 1
Word Count
630TE MOUTERE O MOTITI. Pipiwharauroa, Issue 44, 1 October 1901, Page 1
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in