WHIRA-MAHERA RORE RAPATA.
E koa ana matou i to matou aheitanga kite ta i te whakaahua o Tianara Rore Rapata lei titiro ma nga kai-tautoko o Te Pipiwharauroa, hei matakitaki ma ratou i te tangata rongo-nui atu i te ao i enei ra —te tangata kei roto nei i te kapu o tona ringa te orate mate ranei mo Ingarangi. He mea pai kia tohungia tenei nama o Te Pipiwharaukoa, otira nga nama katoa, ka w'hakapukapuka ai, hei hurahura a nga ra o muri ake nei. I te mea kua nui rawa a matou korero mo Rore Rapata i nga putanga o mua o Te Pipiwharai roa, e kore e rawaka rawa nga kupu inaianei. Ina tonu te mea nui ko te kaupapa o nehe kaa tangia nei e matou. I mea a Huriana Raapa, he tangata tuku korero mo tetahi nupepa nui o Ingarangi, i ana kupu whakanui mo Rore Rapata : “ Kahore ano ia kia rangona e kanga ana, a he ruarua ma iho nga tangata pera me Rapata te urunga o tona whakapono hei whakahaere i nga mahi katoa o tona oranga. Kaore ia e whakaatu ana i tona pai, kahore hoki e to i te tangata k a rite te whakaaro ki tona, otira o te timata-
tanga mai o tenei whawhai a tae noa mai ki nainei he rite tonu tana haere kite karakia i ia Ratapu, iia Ratapu. Kahore ia e tono i ana apiha Ida haere kite karakia, otira ko ia ake e kore e hapa te haere he tauira kei te ngoto ki roto kite ngakau o tana ope i a ratou e titiro tonu ana ki tona u pono. I tana tangohanga i te Hapa a te Ariki i Taraipoteini, i tana ope katoa e matakitaki ana, ehara i te mea hei whakaatu mana i tona whakapono. I kite te mano i mohio hoki i tango ia i runga i te ngakau tapatahi.” I tuhituhi tetahi minita o te, ope a Rapata ki Ingarangi, i mea; “Kei raro matou i te whakahaere a te tianara pai atu i te ao. H kore rawa koe e mohio kite tino kaha o te aroha o nga hoia katoa a Rapata ki a ia. I arohaina ai ehara i te mea na ana raweke, na te pai o te ahua ; o te reo ranei, kaore, engari na te mea e heke tonu ana te wain o te aroha i roto o tona ngakau. E kite ana te katoa. Ahakoa pehea te kino te taunu o te hoia e noho atu nei, otira i te kitenga i te pai o Rapata, i tona ngawari, whakaiti, aroha, e kore rawa e hapa te pirangi ki a ia. I whakamihi a Rapata mo tona ope, i mea ia, ‘ ko te ojoe tino pai atu i te ao ’ kaore e tutu kaore e kaha te haurangi. E hia mano ranei o nga hoia katoa kei Awherika inaianei e kore rawa epaki te waipiro. “ Kaore he tianara e rite kia Rore Rapata te pirangdia, te whakarongotia, te whakawhirinakitia, te arohaina.” To te rangatira tona tu ! Kei ko mai etahi rangatira e whakataurekareka ana i a ratou, e kai waipiro ana, e mahi ana i te kino, kia pirangitia ai e te tamariki taane, kia whakanuia ai ete tangata. Kei nga ngutu noa iho iana te whakanui mo te tangata kino, tena kei te ngakau he whakahawea.
Permanent link to this item
https://paperspast.natlib.govt.nz/periodicals/PIPIWH19000801.2.10
Bibliographic details
Pipiwharauroa, Issue 30, 1 August 1900, Page 6
Word Count
566WHIRA-MAHERA RORE RAPATA. Pipiwharauroa, Issue 30, 1 August 1900, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in