HE OPE TANE.
Kanui te kaha, te whakamihia, te hau o nga rongo ote ope o Niu Tireni. E kiia ana ko ratou nga tino marohirohi o tenei whawhai. Kei raro ratou i te toa nei i a Tianara Piriti, te maia naana i whakaora a Kimari, naana i aukati a Tianara Koroni me tana ope, a i enei ra kei mua tonu ia o te ope e rere haere ana, e whai haere ana ite hoa-riri, mete am ano nga tama a Niu Tireni i a ia. Te mahi tuatahi a Niu Tireni i raro i a Tianara Piriti, i te taha hoki o etahi hoia o Ingarangi o Poihakena, he arai i te Poa kei heke ki Keepa Koroni. I konei ka kitea to ratou toa. He tono tonu te mahi a te Tianara i a ratou kia haere kite tutei, kite titiro ite hoa-riri, ite ahua hoki o te whenua. Kite haere te ope nui ka tonoa ko ratou hei para ite huarahi. Kite haere ko ratou hei whakawatea haere i te huarahi ka hari te ope katoa, ka mohio hoki he tino tangata kei te arahi i a ratou. Ko tenei mahi ko te tutei he mahi e karapotia ana e te aitua. He nui nga hoia kua ngaro i tenei whawhai i runga i tenei mahi. Ko te whawhai ate Poa huna ai, katahi ka huaki tata ki runga o te hoa-riri. Ko nga paura o a ratou pu kaore he pawa. Otira rarua iho ratou i a Niu Tireni. Kite whakatata atu a Niu Tireni ki tetahi hiwi, kaore hoki e kitea atu he Poa kei reira, ka karangatia e te apiha kia tu, katahi ka oma whakamuri. Te kitenga max ate Poa e oma ana ka pohehe kua kitea ratou, katahi ka pupuhi mai i a ratou pu. Na, kua kitea e Niu Tireni he Poa kei runga i tera hiwi. Tera atu te nuinga o nga mahi mohio a Niu Tireni. He ahakoa ra kua rua rawa nga oranga noatanga ote ope a Niu Tireni. I karapotitia ratou e te Poa. Hua noa ta Poa kua tino mau a Niu Tireni, katahi ka karanga mai kia tukua nga pu ki raro; hei aha ma Niu Tireni, mawheto atu ana ite mahanga ate Poa. No etahi o enei honeatanga noatanga i mate ai a Paratiwhata o Akarana.
He mea ahuareka ki a Tianara Piriti le tono ite turupa o Niu Tireni kite mau i ana pukapuka ki ana apiha i te wa e whawhai ana. Kite tonoa he hoia no Ingarangi ka buna haere, ka taiawhio rawa, tena kite turupa o Niu Tireni ka tika tonu te haere, ahakoa e rere ana te mata i runga i tona mahunga. I tetahi ra ite Tianara e matakitaki ana kite turupa o Niu Tireni e tika tonu ana te haere ka ki ia ki ona boa “ Titiro kite rewera e haere ra.” i nga hoia o Niu Tireni e tidro ana i te ahua o te whenua ka kitea atu e ratou te Poa e whaawhai mai ana kite whakanoho i tetahi pukepuke pai hei pa, he pukepuke e hinga ai te ope a Tianara Piriti, e hold whakamuri ad hold. Oma mai ana te hoa-riri, oma atu ana held a Niu Tireni; eke ana, eke ana; katalii ka whawhai, ko te hinganga o te Poa, ko te rironga hoki o tana puke i a Niu Tireni. Te omanga o te Poa, katahi ka tatakitia e Niu tona peruperu, tutu ana tera te puehu. I tapaia e Tianara Piriti he ingo.i mo tana puke ko te “ Puke o Niu Tneni ” hei whakamaharatanga kite toa o Niu Tireni.
Permanent link to this item
https://paperspast.natlib.govt.nz/periodicals/PIPIWH19000301.2.14.2
Bibliographic details
Pipiwharauroa, Issue 25, 1 March 1900, Page 10
Word Count
612HE OPE TANE. Pipiwharauroa, Issue 25, 1 March 1900, Page 10
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in