TE PAREMETE.

Pipiwharauroa, Issue 16, 1 June 1899, Page 2

TE PAREMETE.

Ahakoa he tamariki matou, kaore ano kia whakamatau noa ki nga kai maaro o nga korero, me nga mahi, o te Paremete tmei kei te pupu ake te hiahia, kia whai kupu ano a Te Pipiwharauroa mo nga korero me nga mahi e whakaki nei i nga whakaaro o te tangata, kua puta ta matou kupu i tera rerenga o ta tatou manu, kaore a matou whakaparahako mo nga korero Paremete, mo nga korero whenua mete nuinga o era atu korero, engari ko ta matou tohe kia waiho ko to mua ki mua, ko to muri mai ki muri mai, a ko to muri rawa ki tehiku. Ki to matou whakaaro ki a penei te tutira o nga mea hei whakaarotanga ma te tangata ara—(l) Wairua ; (2) Tinana ; (3) Hinengaro ; (4) Whenua ; (5) Era atu taonga. Kite nuinga pea o te tangata ko 0 muri ka whitia ki o mua, a ko te Wairua hei muri rawa, a kore noa ranei. “ Otiia ka mea te Atua kia ia, kuare, ko a tenei po ano tangohia ai tou wairau i a koe ; a ma wai nga mea kua pae na i a koe ?” Ka penei ano hoki te tangata mona ake ano nga taonga e meatia ana e ia, a e kore e hua nga taonga whaka-te- “ Vatua rapua te rangatiratanga o te Atua, me ana mea tika ; a katapiritiamaieueimea katoa makoutou” —ara nga mea hei oranga mo te tinana. Kaore te tangata i hangaia mo te whenua engari te whenua mo te tangata. Kaore a matou whakaparahako mo nga korero kawanatanga,. no te mea kihai te Ariki i whakaparahako ki era mea ; heoi ano tana ko te whakaLupato i te tangata kei romia ona whakaaro katoa e era hanga a ka wareware 1 a ia tona taha ki te Atua. Nana te kupu, “ Hoatuki a Hiha - arakite Kawanatanga—nga mea a Hiha, a kite Atua ano hoki nga mea a te Atua.” ' I tautokona tenei kupu e tana pononga i toa nei ki te karanga i te reo Ratani, i a ia e tukinotia ana, “ Givis Romanus sum ” —“ he tangata ahau e tiakina ana e te mana o Roma ’’ Nana ano hoki i waiho iho enei kupu hei whakaako ia tatou.

“ Kia ngohengohe nga wairua kaloa ki nga mana nunui. Kahore hoki he mana.no te Atua anake : nga mana o tenei wa nei he mea whakarite na te Atua.’’ He tautoko ta matou i te kupu a te “ Kingi o nga Kingi,” me tana Apotoro, ara e te iwi ki a u, kia ngohengohe, ki to tatou kuini, me ana kai whakahaere katoa. Ka pihi nga ran o te piki, ka mohio te tangata ka tata te raumati. Inaianeikua korikori te taha kawanatanga, mete taha Apitihana, no te mea ka tata te ra pooti ; hei te mutunga pea o tenei tan. Kua timata noa te kauwhau a te Hetana te Pirimia, me te Kapene Rahera hoki, te upoko e te taha whakatete. Kua timata auo te whakaari a nga tangata Maori i o ralou ingoa, ara nga tangata ewawata rna kua riro mai i a ratou nga nohoanga honore ote whare o raro. He tokomaha nga hoa riri mo nga mema tawhito. E kore matou e mea, ko tenei ko tera ranei ta matou tangata e tautoko ai, engari ko ta matou tono ki nga kai awhina katoa o “ Te Pipi,” kia pooti ratou mo te tangata tika, pono, kaha, whakaaro hoki mo te ora o te iwi katoa, haunga ia tona ake ora. E kore matou e mea me pooti ko nga kai awhina i te Kawanatanga i te Apitihana ranei. He maha nga mema Pakeha e rite ana kite pononga. Mehemea kei te taha Kawanatanga ra'ou e kore rawa o ratou waha e hamumu. ahakoa kitea atu e ratou te he o etahi tikanga ate Kawanatanga. E nga mema Maori e aru i ta to hinengaro i whakahau ai ki akoe, kauae whakapononga, engari kia toa kia tu taane. “ Kui ! Kui I Whitiwhitiora I”—ae, whitiki, whitiki ! (Taria e whakaoti.)