TE ETITA 0 TE PIPIWHARAUROA.
I taku whakaaro e kore taku tuakana i roto i te Whakapono, me taku hoa etita, te Rev, Fred A. Bennett, e kuha kite whakaatu ki nga kai-korero o Te Pipiwharaurua, i nga mea e tino pa ana ki tona tinana, na konei ka tango au maku e whakaatu, kia mohio mai ai o maua matua, me o maua hoa aroha, ara mo tona marenatanga. Hei a Mei nei marenatia ai raua ko Hana Paaka. Kei te mohio koutou ko Peneti no Te Arawa. I tona itinga ano ka mauria ia e te Pihopa o Whakatu ; na te Pakeha i whakatipu a pakeke noa nei. I whakaakona ia kite kura a te Pihopa, a i tona putanga i nga whakamatautauranga o nga minita Pakeha, ka whakapangia ia hei minita. Tona pariha tuatahi he pariha Pakeha. I nui te manakitanga a te Atua i tana mahi. Otira ahakoa te nui o te kaingakau o te Pakeha kia ia, konohi tonu tona
ngakau ki te iwi o tona whaea. Ite matunga o tana mahi kite pariha Pakeha ka hoatu moturere eia tona kaha kite whakaako i nga Maori o te Pihopatanga o Nerahana. Otira kaore ano tona ngakau kia tatu noa. Kei te hiahia ia kite whakawhiti mai ki tenei motu, kite matotorutanga ote Maori. I roa ai tona haere mai he tatari nona kia ahua taunga a Biwai Hiwinui ki tana mahi. Ko Hana he tamaahine na Huta Paaka raua Ko Pare o Motueka. No Taranaki tetahi wahi o Huta ara no Ngati Awa. I tae ano a Hana ki Hukarere kura ai. Me huri ake pea i konei aku korero mo to tatou hoa, kei pangaia e ia taku pukapuka. Hei kupu whakamutunga, “ E te hoa, tena koe. Ma te Atua e whakakaha tou ngakau, me tou tinana ki te kimi ite oranga mo to taua iwi, ara mo nga morehu. Haeremai ! Naumai ki te Ika-a-Maui, korua ko tou hoa. Ma ou kanohi tonu e titiro te ahua o nga iwi o tenei motu, nga painga me nga kinonga, nga tikanga me nga paroritanga, nga uunga ki Jte V\ hakapono, me nga whakarerenga i te huarahi o te Oranga, te kotahitanga ote whakaaro me te mararatanga o te hiahia. Haere mai, whakawhiti mai i te kauanga i Rank ! Heoi ra e te hoa, te pohiri a Te Aotearoa.’’ Na to hoa i roto i te aroha noa, Eeweti T. Kohere. Teßau, Turanganui-a-Kiwa, Te Ika-a-Maui.
Permanent link to this item
https://paperspast.natlib.govt.nz/periodicals/PIPIWH18990501.2.6
Bibliographic details
Pipiwharauroa, Issue 15, 1 May 1899, Page 4
Word Count
409TE ETITA 0 TE PIPIWHARAUROA. Pipiwharauroa, Issue 15, 1 May 1899, Page 4
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in