HE TINO PATAI NUI.

Pipiwharauroa, Issue 15, 1 May 1899, Page 2

HE TINO PATAI NUI.

Tera tetahi pukapuka kei te tino korerotia e te Pakeha, e nga nupepa hoki. Te ingoa otaua pukapuka ko “I roto i Ona Turanga Waewae” (In His Steps). Na tetahi minita o Amerika i tuhi. He mano, he mano nga kape o taua pukapuka kua hokona. Ko te whakarapopototanga tenei o nga korero o taua pukapuka. I tomo tetahi tangata tino rawakore ki roto i tetahi wharekarakia ataahua. Ite mutunga ote kauwhau, ka tu ia ki runga, ka ui i tenei patai ki taua whakaminenga, “ Koi ana ranei te aru i a Ihu, ko te himene, ko te moi, ara pena me ta koutou e mahi nei ?’

Te mutunga o tona korero ka hinga ia ki raro, hemo tonu atu. Kotahi wiki i muri mai, ka haere te kauwhau a te minita o taua whare karakia i runga i r.ga kupu a taua tangata, “ Koi ana ranei te ant i a Ihu ?” I mea ia ki tona whakaaro, kaore ta ratou haere i rile ki ta Te Karaiti. Ite mutunga o te Karakia, ka huihui etahi o nga tangata o taua whare karakia, a oati ana ratou kia mahi tonu ratou i ta ratou e mohio iho ai e pai ana a te Karaiti kia meinga e ratou. I oati ratou mo te tau kotahi. Ko ta ratou pa ai tenei, “Ka pehea ra a Ihu?” Kihai i roa kua kitea e ratou he nui nga mea me whakarere e ratou, mehemea e hiahia ana ratou ki ta Ihu i pai ai. I ui te minita ki a ia ano “ Ka pehea ra a Ihu, mehemea ana koia te minita o taku whare-karakia ?” Na kitea ana e taua tangata e kore a Ihu e k.iuwhau i etahi ona kauwhau. Ko te nuinga ona kauwhau hei whakarekareka noa iho i te taringa o nga kai whakarongo, hei mea e whakamihi ai te tangata ki a ia, e korero ai mo te rawe o tona kauwhau. I muri mai ka rereke tona kauwhau, ka kauwhau mo te hara mo te ripeneta mo te tapu ara pera me tana i whakaaro ai ka kauwhautia e Ihu. Ka kaha tona mahi i tona pariha, kaore e mangere, e whakahihi, engari ka haereki te wahi tino kino o te taone ki reira tohe ai ki te hunga haurangi. Ko te Etita ote nupepa i whakamutu te ta i nga mea kino ki tona nupepa. lui ano ia kia ia ‘ Ka pehea ra a Ihu, mehemea ana koia te Etita o taku nupepa ?” I kitea e ia e kore a Ihu e whakapoke i nga wharangi o te nupepa ki nga mea kahore nei he painga. Tera atu te nuinga o nga tangata i ui i tenei patai ki a ratou ano “ Ka pehea ra a Ihu, mehemea ra ana he penei Tana mahi me taku ?” I whakama ratou mo te nuinga o nga mea e mahia ana e ratou.

E nga hoa, he mea pai ano tenei ara te ui i tenei patai ki a tatou ano, “Ka pehea ra a Ihu.” Ma tenei ka mohiotia ai e tatou te tikanga o to tatou whakapono, te henga ranei. Me ui te minita, “ Ka penei ranei a Ihu, mehemea ana ko la, te minita o tenei pariha?” Me ui te rangatira, “Ka penei ranei a Ihu me ahau, Tana whakahaere i te iwi, Tana whakatu i te tauira ki toku iwi, mehemea ana ko la te rangatira o tenei iwi ?” Me ui to mema o teParemete, “Ka penei ranei a Ihu, mehemea ana ko la i toku turanga i te Paremete ?” Me ui te tangata mahi whenua, mahi paamu, mahi toa, me era atu tini mahi “ Ka penei ranei

a Ihu, mehemea ana ko la ahau ?” Me ui nga tangata i roto i nga whare-kooti, i roto i nga whare-whakawa, “Ka penei ranei nga korero a Te Karaiti mehemea ana ko la ahau ?” E te hoa mehemea ana ko Te Karaiti koe, ka pehea la ? Ka takahi ranei i te Ratapu, ka haere ranei ki nga reihi hoiho, ki nga kanikani, kite purei-kaan ki nga ahuareka hua-kore a te kikokiko ? Ko tenei patai te ruri e mohiotia ai te tika te piko ranei oto tatou whakapono. Mehemea kei te tapahia a tatou mahi e tenei patai, kia toa, whakarerea atu taua mahi, ma te Atua e homai he mea pai atu kia koe, i tenei ao, a tae atu ki tera ao. “Kite he ano hoki koe i tou ringa matau, poutoa, maka atu ; he nui ke hoki te pai ki a koe i-ite mate tetahi wahi ou, a ka kore e maka tou tinana katoa ki roto kite reinga.”