HUI NUI KI TURANGA.

Pipiwharauroa, Issue 13, 1 March 1899, Page 3

HUI NUI KI TURANGA.

Kite Pipiwharauroa, E koro tena koe me tou Etita. He kupu torutoru nei, hai mau atu mau ki nga pito e wha onga motu e rua nei ara, e te Waipounamu me Aotearoa. Tera atu te nui o nga Hui Kohikohi moni whare karakia o roto o te pihopatanga O Waiapu, heoi ka tohitu ake taku korero mo te Hui i tu ki Pakirikiri nei, i te 3 o nga ra o Maehe, 1899. E torn nga take o taua Hui. 3 (T). Ko te Hui Topu ote pihopatanga o W Rii apu t (2). Ko te kohi moni mo tetahi whare karakia meake hanga ki Kaiti wahi o Turanga.

(8). Ko te Hakari mo te Kohatu whakamaharatanga a te Kawanatanga o Niu Tireni mo Hirini Te Kani-a-Takirau rangatira o Turanga, i mate nei i te tau 1897. I timata te hui i te tahi o nga ra o Maehe. I hui mai nga hapu o ter i wahi o tera wahi 0 roto ano i te pihopatanga o Waiapu. I neke atu i te kotahi mano nga tangata i whakamine mai ki taua hui. E toru nga whare hunui o taua marae. E rua nga whare moenga. kotahi te whare kai . Ko te roa o te whare kai e 48 iari. E rua nga teepu kotahi ki tetahi taha kotahi ki tetahi taha, me nga mea tatoa ano hoki a te pakeha e rite ana mo te teepu. Heoi neke at ui te 300 tangata e whakaeke ana 1 rung i i nga teepu i te kainga kotahi. Ka nui te pai o te whakahaere katoa o nga mahi ote marae. Tera ano etahi mahi o taua marae e kiia ana he mahi ahuareka ara he whakatangi Peene, he haka, he poi. 1 te pakeha te peene heoi inaianei kai te Maori. I Parihaka te poi, heoi inaianei kai nga wahi katoa, akuanei ra he pewhea te tukunga iho. He mahi ahuareka te poi kite titiro atu, engari ki taku mohio taiho" l ka waiho kai atua mo etahi iwi, pera hoki mete Whiti raua ko Tohu. ... .... Tokowha nga minita i tae mai i te.timatanga tonutanga iho o tenei hui, Eev M. Waaka, Rev T. Huata, Ren A. H. Rangi, and H. T. Huata. Ite wha o nga ra katahi ka nui atu nga tangata me nga minita hoki. E tukua ana te kauwhau ki tenei minita ki tenei minita ite ata ite ahiahi. Ko nga kai hapai bimene no Ngati-pahauwera, no Mohaka. Ka nui te pai o nga kupu kauwhau, Engari ki taku titiro atu kite hunga e wbakarongo mai ana, e rite ana kite kupu whakarite ate Karaiti mo te kai Rui. I penei ai taku kupu he tokomaha no nga whakahaere ke i tae mai ki taua Hui, he Ringatu, Momona, Kaupare, me era atu. Otira ahakoa maha enei whakahaere, i nga minita tonu o tenei Hahi, nga karakia katoa, a mutu noa te Hui. I te 4 o nga ra ka takoto te Pereti Kohl moni mo te whare karakia, puta ake te moni e £5Ol Os Od. Ko te kohi nui tenei o nga kohi whare karakia katoa a te iwi Maori. I te 5 onga ra ka hui katoa matou kite whare karakia i Manutuke e kiia nei ko te Tokotoru Tapu. Ka tutaki hoki matou nga minita maori ki nga Kaumatua nei kia Pi-

hopa Wiremu raua ko te Atirikona Hamiora Wiremu. Ka hui katoa nga minita i konei e 21, ara, koia eneinga ingoa Renata' Wiremu, Pihopa o Waiapu Arch. H. Wiremu, o Hawke's Bay Rev. H. W. Wiremu, o Gisborne ~ G. Maniheru, o Opotiki ~ W. Kutia, o Tauranga ~ A. Wirema, o Te Aute, Heretaungi ~ T. Huata, o Wairoa ~ M. Turei, o Rangitukia ~ M, Waaka, o Turanga ~ H. Waitoa, o Kawakawa ~ E. Kawhia, o Whareponga ~ H. Pahewa, o Te Kahanuiatiki ~ M. Pahewa, o Tokomaru ~ R. Te Aibu, o Whangara ~ A. H. Rangi, o Mahia ~ Nirai Runga, o Petane : ~ K. Manahi, o Heretaunga ~ A. Te Awekotuku, o Rotorua ~ Hoete, o Taupo ~ R. Haumia, o Maketu ~ A. Tamihere, o Whakataane ~ H Huata, o Mohaka Tokorua nga minita kihai i tae mai ko T. Tapeta me R. Rangamaro. I timata te Karakia a te Pihopa ki te whakatapunga o te Tokotoru Tapu mo nga mahi anake ki te Atua. Ka panuitia te whakatapunga e Ahipene Rangi i te tomokanga atu i te kuwaha o te whare. Ka mutu ka korerotia e te pihopa te Waiata 24. me te korero ano nga minita ia ratou e haere atu ana ki o ratoa nohoanga. Ka timata ko te karakia nui. I te Atirikona te kauwhau, te rarangi kei a Ruka 17, 19. He nui te pai o te kauwhau a te Atirikona. Te wahi timatanga o tana kauwhau, he whakaoho i te whakaminenga kia anga nui atu ki te whai ia te Karaiti. Te wahi whakamutunga, he tino pehi atu i nga mahi tohunga Maori. Te moni ohaoha o tenei karakiatanga i tata kite £5 Os Od. Ko nga tangata i tango i te Hapa e 80. I te karakia nui i muri o te tina kihai te pihopa i tae mai, i ahu ke atu ia ki nga Pakeha Ko te Atirikona te kai whakahaere o tenei karakia. I a Matiaha te kauwhau Rarangi 1 Kori 15, 10. He pai te kauwhau a Matiaha Pahewa. I te 6 o nga ra ka tu te Hui Topu. Ka whakatu-wheratia e te Pihopa ki te inoi.

Muri iho bo tana whai korero, te wahi timatanga o tana whai korero be whakahau ki nga minita ki nga Mangai-Reimana me

te Hui katoa hoki kia whakawhetai atu kite Atua mo Ana atawhainga maha i a tatou i nga tangata. Te wahi whakamutunga o tana whai korero ko tana whakahau ki nga tangata kia kaha te whakatipu i nga mahi o te Rongopai, kia neke haere ai to tatou pai kite aroaro o te Atua, kia whai kororia ai te Atua i runga i a tatou mahi. Otira tera atu te momonatanga o nga kupu ate Pihopa. Engari ka tukua atu ano te kape o tana whai korero. E rua nga ra i whakahaerea ai nga korero ote Hui katahi ano ka mutu. Ite 7 o nga ra i te ahiahi ka mutu te Hui. I te 8 o nga ra ka pakaru atu nga tangata ki tona wahi ki tona wahi. Heoi ano na to hoa pononga i roto 1 te Ariki, (Rev.) Hkmi P. T. Huata, Mohaka, Hawke’s Bay. Maehe 15. 99.