PITO-PITO KORERO.
Ki nga minita. E hoa ma ma te ata whangai i te manu nei ka ora roa ai. E kore ranei koutou katoa e- whakaae kite whakarite i tetahi ra i roto i te tau, i te ono marama ranei, hei kohikohinga mai ma koutou i tetahi oranga iti nei mo ta tatou manu. Kia mahara mai. Nga Moni e whakapaua ana i Ingarangi mo te Waipiro £140,000,000 i te tau ; mo te tuku i te Rongo Pai ki nga wahi mamao £1,800,000. Ara, mo te pauna kotahie whakapaua ana mo te tuku haere i te Rongo Pai, kotahi rau pauna kei te whakapaua kite Waipiro. I roto i nga tau katoa, e kiia ana e nga tangata matau, e tae ana kite 85,000,000 nga tangata e mate ana, kaore ano nei te Kongo Pai i kauwhautia ki a ratou. Hei te 24th o tenei marama ka tae mai nga tamariki o Te Aute Kareti ki Whakatu. Ko ta ratou haere mai he purei putu-pooro (football) ki nga tamariki o te Kareti o Whakatu. Ko nga moni katoa e toe ana i muri mai i te utunga i nga raruraru katoa, ka tukuna kite Komiti Maori c Motueka whakahaere tikanga hei painga mo matou mo nga Maori o te takiwa kite Porowini o Whakatu. Ma nga Pakeha rangatira o Whakatu nga tamariki Maori o Te Aute e tiaki. Kite kore o ratou raruraru e ea, ma matou katoa e utu. Ko tetahi mahi ano a nga tamariki nei he kauwhau ki nga Pakeha kia mahara mai ai ratou ki enei hipi hoki a to ratou Ariki. No te 10th o tenei marama, ka tu te rakau Kirihimete (Christmas-tree) ki Whangarae,
Whak&tu. • Ko nga hua katoa o taua rakau he aroha na te Pakeha. Nui atu te hari, mete koa, mete ngahaunoaiho, ite papai o nga hua o taua rakau. Kei te pai rawa nga tikanga mo te kura ki Whangarae. Kanui te kaha o nga tamariki, me nga kaumatua kite ako. No tenei marama i mahue ake nei, ka mate a Ramari Herewini ki tekainga o tana tamahine o Mere Rore ki Wairau. He wahine rangatira ia no mua, i Motueka e noho ana, haere ai ki Waikato, no te hokinga mai ka toimaha haere tona mate, tae noa ki tana matenga rawatanga i nga ra o Mei kua mahue ake nei. No nga ra o Mei (21—80) ka tu te Mihana (Mission) ki' Motueka. E rua karakiatanga i nga ra katoa, e wha hui.huinga i nga wiki. Ko te tikanga o tenei mahi, he whakamarama i etahi tikanga o te Karakia, ote Whakapono. He nui nga kupu uaua i whakamaramatia. E kore e mohiotia inaianei nga hua o tenei mahi, engari ki taku mahara he tikanga pai tenei hei whakahohonu i te whakapono, hei whakapumau i a tatou hei pononga ma te Ariki. Kei Merepana (Melbourne) me ona takiwa 8,500 nga Tainamana. Kotahi o ratou he tangata matau ki nga Karaipiture, kua whakapangia hei minita mo ratou no te Hahi o Ingarangi. Tokorima nga Kaikarakia. Ko ta ratou karakia, ko ta tatou Rawiri nei ano. Nga kohikohi o tenei marama :
Ka hiahia koutou kite tuhitahi mai ki a au me penei nga kupu mo te whare pukapuka. Rev. Pekere Peneti, Nelson.
Mrs Warren, Wellington £ 0 s. 5 d 0 Mr Holloway, Nelson... 0 10 0 General Schaw, Wellington ... 1 1 0 Mr F. Bamford, Nelson "... 0 5 0 Mr Bates, Wanganui... 0 2 6
Permanent link to this item
https://paperspast.natlib.govt.nz/periodicals/PIPIWH18980601.2.9
Bibliographic details
Pipiwharauroa, Issue 4, 1 June 1898, Page 6
Word Count
577PITO-PITO KORERO. Pipiwharauroa, Issue 4, 1 June 1898, Page 6
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in