TE MATENGA 0 PIHOPA HEREWINI (TAMAITI.)
No te 15 th o Pepuere ka patua mai te waea i Ingarani kua mate a Pihopa Hoani Herewini, te Pihopa i mua ake nei 0 nga moutere, ara, o Meranihia. Ko te tamaiti tenei a Pihopa Hori Herewini Pihopa 0 Niu Tireni katoa. Kei te mahara ano etahi 0 nga Maori kua kaumatuatia nei ki a ia, i te wa i kura tahi ai ratou i te kareti a te Pihopa i Akarana. I whakapangia mai ia hei minita i Ingarani i te tau 1870. No te tau .1875 ka heke mai ia ki Meranihia hei minita mo 0 tatou whanaunga e •' t t ' .wii." m
noho mai nei i era moutere o tatou. No te tau 1877 ka motuhia ia hei Pihopa i te whare karakia i Whakatu i te 18th o Pepuere. He maha nga tau i mahi ai ia ite pai mo te wairua mo te tinana o nga Maori o nga moutere. I runga i te kaha rawa o tana mahi, i te kore hoki ona e whakaaro kia whakata ia, ko te paanga mai o tetahi o nga mate o nga moutere kia ia. Katahi ia ka amohia ki Poihakena, tae atu ai ki Ingarani. No te kitenga o nga takuta i a ia, ka ki ratou e kore ia e ora rawa, engari kite hoki ano ia ki nga moutere katahi ka mate rawa atu. Me noho ia ki Ingarani ki te whenua ahua hauhau, ka pai ake ai tana mate. No te tau 1893 ka whakaritea ia hei Kai-whakaako tumuaki mo te Herewini Kareti, Kemureti, i whakaarahia nei hei tohu whakamaharatanga ki tonamatua. He maha nga paanga mai o tana mate ki a ia, engari no te hokinga mai o tana mate i a Pepuere nei katahi ka mate rawa. Te taenga mai o te rongo o tana mate e noho huihui ana te Hinota nui o Nui Tireni ki Christchurch. Ka panuitia te rongo o tana matenga kite aroaro o te Hinota, ka tu katoa nga tangata (ko te tohu whakahonore tenei mo taua tangata) i a ratou e tu ana ka korerotia e te Pihopa Tumuaki tana motini, ko ia tenei: — “ Etino hohonu ana te pouritanga o nga mema katoa o tenei Hinota mo nga rongo kua tae mai nei o te matenga o Pihopa Hoani Herewini, he tangata ia i arohanuitia e nga mema o te Hahi, tuatahi mo tana mahi i te wa i noho ai ia hei mihinare, tuarua mo ana mahi katoa i a ia i noho ai hei Pihopa mo Meranihia. E whakawhetai ana ratou kite Atua mo tana homaitanga i tenei ahuatanga o te tangata hei tauira ki a ratou, mo tana whakaaro nui i a ia e mahi ana, motona manawanui i rotoi ona mamaetanga. He tono hoki tenei na te Hinota, kia tukuna atu e te Pihopa Tumuaki te aroha o nga tangata o te Hahi katoa o Niu Tireni kite whaea o te Pihopa, ki tana pouaru me ana tamariki; mete inoi hoki kia awhinatia ratou i roto i to ratou pouritanga e te Matua o nga mahi tohu, te Atua o te whakamarietanga katoa.”
Permanent link to this item
https://paperspast.natlib.govt.nz/periodicals/PIPIWH18980501.2.7
Bibliographic details
Pipiwharauroa, Issue 3, 1 May 1898, Page 3
Word Count
530TE MATENGA 0 PIHOPA HEREWINI (TAMAITI.) Pipiwharauroa, Issue 3, 1 May 1898, Page 3
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in