Te Hui Taumata 11-14 Hakihea 1995
I te wa tonu e kohia haerehia ana nga korero mo tenei o ngaMuka, e tu ana ko te kaupapa whakamutunga a te Taura Whiri hei whakatairanga i te Tau o te Reo Maori, ara, te Hui Taumata. Kua eke nei te kotahi tau mai i te wa i whakamanutia ai te Tau, a, kua karangahia tenei hui i runga i te whakaaro kia ata tirohia ano nga ara i takahia i tenei tau i runga i te koromaki ki to tatou reo. Ma nga tapuwae pea e whakaatu mai ae ranei i kotiti, ae ranei i totika. Engari e haere kotui ana tenei mete titiro whakamua kite reo mete ao Maori ote rautau hou e whataretare mai ana i te paewai o te rangi. Ko tetahi o nga tino patai kia whiri whirihia i tenei hui, ahua penei na - ‘ ki hea atu tatou inaianei, a, ma hea atu tatou ki reira e matomato ai te tipu o nga kakano kua whakatokia i tenei tau, otira, i tenei rautau. E mohio ana tatou, kite waiho i konei to tatou ngakau nui, to tatou manawa nui ki to tatou reo, taihoa pea kua tata manawa kiore ko te reo Maori e mohio nei tatou. Kei nga tatauranga tuatahi o te rangahau reo Maori e mau atu nei nga tohu e whakaatu ana i tenei.
Heoi ano ra, he matarere noa tenei e whakamohio ana kua tu tenei o nga hui. Hei te Muka tuatahi pea o te tau hou puta ai nga korero e mohio ai tatou katoa ki nga whakaaro i hua ake i tenei hui whakakopi i to tatou Tau o te Reo Maori.
Permanent link to this item
https://paperspast.natlib.govt.nz/periodicals/MUKA19951201.2.7
Bibliographic details
Muka, Volume 8, Issue 4, 1 December 1995, Page 4
Word Count
281Te Hui Taumata 11-14 Hakihea 1995 Muka, Volume 8, Issue 4, 1 December 1995, Page 4
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in