Te Kura Whakapakari Reo a te Taura Whiri ka tū ki Waimārama, Heretaunga 14-19 Kohi-tātea 1995
He whakamohio noa ake tenei ka tu tonu te kura whakapakari reo ote raumati kite marae o Waimarama ate 14 kite 19 o Kohi-tatea 1996. Ko te tikanga, kua tatu ke nga whakahaere katoa e pa ana ki tenei o nga kura, engari i runga i nga awhiowhio o te hikutau, kei te ahua tarewa tonu tetahi wahanga nui tonu o nga whakanekeneke, ara, ko te hunga whakauru mai. Heoi ano i penei ai, i te mea katahi ano te Taura Whiri ka rongo korero i te Tahuhu o te Matauranga mo ta matou tono putea e mama ake ai te wahi ki nga kaiwhakaako kei te hiahia haramai. Na konei kua watea ano tenei kura kite hunga whakaako, a, karekau he utu whakauru mai. No reira ko te tumanako, kiapirangi nui mai nga kaiwhakaako kura tuatahi, tuarua ko te reo Maori te reo korero, tetahi ranei o nga reo korero i te akomanga, ki tenei hui kumanu reo.
He take ano i hua ake ai te whakaaro kia ata panuihia i konei tenei o nga kura. Ko tetahi o nga here o te
kirimana i waenganui ite T aura Whiri mete T ahuhu e awhinahia ai te hunga whakaako, e akiaki ana kia eke ki t erima tekau nga kaiwhakaako ki ia hui. Ki te kore e penei rawa te tokomaha o nga kaiwhakaako e haere mai ana ki enei kura, kua mate ta matou whakahoki i tetahi wahanga o te putea, a, e kore pea e whiwhi putea ano i te T ahuhu hei whakahaere i enei kura. Na reira koinei ano i whakaaro ake ai tenei pito me ata inoi ano nga kaiwhakaako kia tautoko mai i te kaupapa.
E rua atu ano nga kura whakapakari reo ka tu a te tau 1996. Ko te tuarua, ka tu ki Hirangi, ki roto o Tokaanu, ate 29 o Pipiri kite 5 o Hongongoi, a, ko te tuatoru, ka tu ki Kirikiriroa, atu ite 14 kite 20 o Mahuru.
Nau mai, haere mai ki enei hui me kore e kitea mai i reira he paku maramara e mama ake ai nga kawenga reo Maori i nga wahi katoa e haere nei korua ko to hiahia korero Maori. Ehara i te mea he rongoa kei enei hui mo nga raru katoa e pa mai ana ki to tatou reo, kite hunga korero Maori ranei o enei ra. Heoi ano, me ki penei noa ake, tera pea he paku awhina ka taea e wheru ai ko Tuhauwiri, e whitawhita ai ko Tuhauora i roto i a tatou whainga e ora tonu ai te reo.
Permanent link to this item
https://paperspast.natlib.govt.nz/periodicals/MUKA19951201.2.5
Bibliographic details
Muka, Volume 8, Issue 4, 1 December 1995, Page 2
Word Count
449Te Kura Whakapakari Reo a te Taura Whiri ka tū ki Waimārama, Heretaunga 14-19 Kohi-tātea 1995 Muka, Volume 8, Issue 4, 1 December 1995, Page 2
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.