Mātene Rūāwai

Muka, Volume 8, Issue 4, 1 December 1995, Page 1

Mātene Rūāwai

Matene, kei te hou kotuku ka whati i te ra nei, e moe nei koe i te anuanu, i te mataotao, a, e tokia nei to kiri e te tomairangi, maranga ra kua eke te tau.

Ko te roimata rate kai ite ao, ite po, ete hoa, a, he roa tonu te wa ahakoa i konei i te tari, i nga kura ranei, i nga noho noa iho ranei, me whakahua noa ko to ingoa kua rere ano. Na roa o te wa ko mahea engari ko mamae ka ngau tonu, ka kai tonu.

Na te mata ote kaheru koe i tuku kite kopti ote whenua, a, i te ra nei riro ana ma te mata o te arero koe e hahu ake.

I marewa koe i ‘te pai o Autahi’ engari ahakoa tera korerehu ana te rangi ki 6 hoa o muri nei. Kati Matene, ehara i te mea he aha heoi ano kua eke ki tona wa e tangihia ano ai te tangi kite kakau, e rurutu ano ai a roimata, e korerotia ano ai nga korero o te wa i noho tahi ai ahakoa a piki, a heke, a kotiti, a tika.

Ahakoa koe kei tua o pae, kaore i tua o maumahara. ‘Ra Tawera ka mahuta i te pae Au ki raro nei huri ai i te whare Taria, e te hoa! Kia tirohia atu ai to rerehua. ’

Moe mai, Matene, moe mai.