HE KAIHOE HOU MŌ TE TAURA WHIRI
E tika ana te korero, e 0 pai ai ki uta, me kotahi te waihoe. Ahakoa kotahi te waihoe a nga kaimahi a te Taura Whiri, kua ahua tikoki, ahua totohu te waka i nga marama tata ake nei.
Na te tokoiti o nga kaihoe, na te taumaha ake ano hoki o nga mahi kua riro ma konei e pikau i pone ai. (Ehara i te mea kua whakangongohia etahi o a matou mahi mo te mangere noa iho te take!) Na tenei tu ahua i whakatauria ai me whakatu he tQranga hou kia oti pai ai nga mahi kua whai pahau i a matou e whakapau kaha ana ki etahi atu me matua oti.
No tera marama panuitia ai nga turanga hou e rua, ko tetahi ma te kaiawhina tumuaki, ko tetahi ma te kaitatari kaupapa.
Ko Miriama Klngi, ara ko te hekeretari o konei i te wa tuatahi i a Tlmoti Karetu e noho ana hei rangatira mo te Taura Whiri, ko ia tetahi i tono mai i te turanga kaiawhina tumuaki nei. Tere tonu tana kapohia atu e matou i runga i te mOhio kei a ia ke nga pumanawa katoa e tika ana mo taua turanga.
No muri rawa mai i riro te turanga tuarua kua huaina ake nei i a Tlpene Chrisp, he Pakeha otira he tamaiti whangai na Ngati Rangitane ki Te Wairarapa. Kua riro mana te maunga tiketike, te maunga pahekeheke o Kaupapa e piki, e raupatu! Kia kaha ra e tama!
No reira e korua, ehara i te mea he aha heoi ano he huro, he hari no te ngakau i te mea kua eke mai kOrua ki tenei waka o tatou. A tona wa te waka kaunuku anO ai!
Permanent link to this item
https://paperspast.natlib.govt.nz/periodicals/MUKA19920901.2.13
Bibliographic details
Muka, Volume 5, Issue 4, 1 September 1992, Page 5
Word Count
295HE KAIHOE HOU MŌ TE TAURA WHIRI Muka, Volume 5, Issue 4, 1 September 1992, Page 5
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in