Te Aute Kareti.

Kopara, Issue 88, 30 June 1921, Page 3

Te Aute Kareti.

I HUI te Poari o nga Kai-whakahaere o Te Aute ki Nepia i te 2 o nga ra o Hune. Ina etahi o nga kupu ote ripoata a te Tumuaki ara a Mr. Loten. . « E mihi ana ahau mo te tere o te hoki mai o nga tamariki oTe Aute i tenei tau. Ite ra tuatahi tonu i puare ai te Kura eB4 nga tamariki i tae mai. E pouri ana ahau mo nga tamariki 14, kaore i tae mai itera i whakapuaretia ai te Kareti. I te kore whakaatu a ratou mo to ratou tureititanga, whakakorea ana o ratou turanga i roto ite Kura. Ite tokomaha o nga tamariki hou e hiahia ana kia uru ki Te Aute, whakakapia ana o raton nohanga. Huihui katoa nga tamariki o Te Aute inaianei e 97, ara:— Form V, a. (Matriculation) .. 5 Form V, b. (Agriculture) .. 7 Form IV (Public Service) .. 29 Form 111 .. .. .. 31 Standard VI .. .. .. 12 Standard V .. .. .. .. 10 Standard IV.. .. .".' ..3 97 Nga Kai-whakaako.—Ko Mr. R. Phelan te Kai-whakaako o nga karaihe o raro ; ko Mr. Finch mo nga karaihe Form 111 me Form V,a. Kei te Tumuaki te Form IV me Form V,b. Kei a ia ano hoki te Form 111 me Form V,a mo te Science. Ko Golan Maaka te pupil teacher. E 3 nga Prefect, e 5 nga Monitor. Kei a ratou te mana whakahaere mo te ahua ote noho a nga tamariki i nga wa kore kura. Kua whakaritea nga mahi ma tena ma tena o ratou, nui atu te pai o ta ratou mahi, mete pai hoki ote noho o nga.tamariki katoa ote Kura. Tokotoru nga apiha (N.C.0.) o nga hoia o te Kareti i tukuna kite ako i nga hohonutanga ote matauranga ki nga mahi hoia i Trentham. Nui atu te whakamihi o nga rangatira o Trentham kite pai mete tere kite ako o nga tamariki o Te Aute. Hui katoa e 27 nga tamariki Karahipi, ara: —Buller scholarships, 2; Makarini, 6 Government, 19; hui katoa, 27.

I nga ra whakamutunga o Mei ka tu te Camp mo nga tamariki hoia i Te Aute. I raro tana mahi ite mana ote Tari Whawhai a te Kawanatanga. Kua kore i tika nga tuuru o te Kareti mo nga mahi ako kamura. E hiahiatia ana he moni kia hei hoko i nga tuuru e tika ana. E rua teneti a te Church Army kua tae mai ki Te Aute. Kua tu aua teneti. Ko tetahi kua oti te hanga he poroa (floor) ko tetahi kaore ano. Ka nui te ora o nga tamariki i tenei tau. Kaore he mate e pa ana ki a ratou. Ko te utu mo te hipi i Otane mo teKurae Ki taku mohio tena e ngawari rawa te utu mehemea ma te Kura tonu e patu nga hipi. Kua akona nga tamariki farmer kite patu hipi, kite patu poaka. Ka nui te pai ota ratou mahi. E ono hipi e pau ana i te Kareti i te wiki kotahi. Kei te hiahiatia he pukapuka mo te Raipere o te Kareti, kia whai pukapuka ai nga tamariki i nga wa kore kura.