Te Rongoa mo te Ao.

Kopara, Issue 80, 30 September 1920, Page 3

Te Rongoa mo te Ao.

Na R. T. K

KEI te mate te ao—he mate nui whakaharahara. Ite nui o te mamae, kei te tiwarawara te waha Id te aue. E mea pea koe, Ha, he aha te mate ? Kahore au nei i te rongo kite reo aue! Me korero e koe nga nupepa ate pakeha, a, e rongo koe, e kite. Ko te tangata hold e kore ana e titiro i nga nupepa he iti noa iho tona ao, ko te wahi ano e kitea ana e ona kanohi heoi ano tona ao. Ko te tangata ia e korero nupepa ana ano ia kei te tihi o te ao e noho ana e kitea ana e ia tetahi taha tetahi taha tae noa kite takere. He mate nui te riri kua mutu ake nei, i rongo nga wahi katoa ite mamae, ko te takarehaia ia o te mamae kei te hunga i hinga nga mokopuna nga tamariki nga whanaunga. Otira ko te mate kua pa nei kite ao, a kei te piki tonu, he nui ake i tenei. Kei te kohuru tangata te Airihi, he tangata e hinga ana i ia wiki iia wiki. Kei te noho kino tonu te Ruhia, kei te whawhai tonu, kei te patu tonu i te tangata. Kei te noho whawhai kei te ndho kino kei te taraiki te hunga kai-mahi i nga wahi katoa o te ao, ko etahi wahanga o nga kai-maki kei te hiahia kite turaki i nga ture i nga kawanatanga. Kei te whakamauahara ratou ki o ratou rangatira kite hunga whai moni. Na konei hold i kohurutia ai e Ruhia ona momo kingi ona rangatira ona tangata whai moni. Ko ta ratou whakaakoranga e kiia ana he porohiwiti. Kei te toha haere tenei whakaakoranga ki nga tapito e wha o te ao. Ko te nuinga ote hunga whai moni kei te kino ano. Kua piki te utu ote kakahu ote kai o nga mea katoa. Kua nui rawa te moni te rawa ki etahi tangata ko etahi ia kua tino rawa kore, kei te uaua te whiwhi kite kai kite kakahu. He nui nga tangata kua kore e whiwhi whare. Kua rere totoa te tangata Id te ahuareka kite hara, kua whai i ona hiahia ano hei ture mona. Kei te whakanuia etahi tangata kino etahi tangata hara. Ano .te ahua ote ao kei runga ite puia e noho ana mea ake ka pakaru taua puia pera mete pakarutanga o Tarawera. Ite haka tonu ite kanikani tonu te tangata katahi ka taupokina. E pera ranei me Horoma me Komora i ware ware nei kite Atua i wareware nei kite tika whai ana iia tangata iia tangata ita tona ake ngakau i hiahia ai. I

kararehe te ahua o nga tangata o aua pa a ahakoa i mohio a Rota kite Atua ko ana tamahine ia i aru i nga tikanga a Horoma a Komora a i kararehe raua. Na he whakaaro no te Atua kei kino katoa te ao i nga tikanga kararehe a aua pa tahuna ana kite ahi a ngaro atu. Koia nei te mate ote ao koia nei he mate mo te ao. Kei te whai te tangata ko tana ano i hiahia ai, he ahuareka ranei, he moni ranei, he mana ranei, he aha ranei. Heoi ano te rapunga he rongoa mo tenei mate kino, kei ngawari ana. Engari he aha te rongoa ? Kua pa te wehi ki nga tangata whai-whakaaro o te ao mo tenei ahuatanga o te tangata. Ko te Pirimia o Ingarani, ko Roiti Tioti, kua whakatupato i nga iwi mo tenei ahuatanga. Na te ngakau apo hoki o te Tiamana i whawhai ai te ao katoa a ahakoa kua mutu te whawhai ko te ngakau apo o te tangata kei te mau tonu kei te piki tonu. I whaikupu a Roiti Tioti kite Hahi o Weiri heoi ano te mea e ora ai te ao kia kaha te Hahi kite whakaako i te Whakapono. Ko tenei ano te kupu a nga Pirimia katoa ote Emepaea. I mea ratou kahore he ora mo te ao i nga kawanatanga i nga paremete, i nga ture a te tangata. I mea aTe Wirihana, Perehitini o Amerika, “He aitua, he aitua nui, ina whakaitia te kauwhau i te Rongopai kite ao.” Na Kingi Hori te kupu, “ Kahore he ora mo te ao heoi ano ko te Whakapono anake.” Ko nga ture tangata kei waho noa o te ngakau o te tangata e rapirapi atu ana kahore he kaha kite patu ite kino ote ngakau ote tangata. Ko te Whakapono he whakahuri he whakawhanau hou i te ngakau kia kino kite hara kia aroha kite pai kite Atua. Koia nei te tikanga o nga kupu a Kingi Hori, a Te Wirihana, a Roiti Tioti, a nga Pirimia. Ete iwi, kia mau kite Whakapono hei pa tuwatawata mo taua ki nga kino o te ao kei te kaha tonu, hei tohutohu hei whakatupato. Mahara ki a tatou tamariki kei te tupu ake, whakapaia te huarahi mo ratou kia ngawari ai ta ratou aru i te tika kia uaua ai te aru ite he. Ko te Hahi anake te kotahitanga i te ao nei hei pupuri i te tika, hei whakaako hei tohu i nga tikanga ate Atua. Tautokona nga minita kaua e whakatatare ki o ratou he, he mahi ngawari noa tera. Ko te tangata tika kahore e mohio kite whakatatare, “he nui hoki nga hara e hipokina ana e te aroha.”