He Tangi mo nga Hoia Maori kua riro ki te Pakanga.

Kopara, Issue 51, 12 January 1918, Page 8

He Tangi mo nga Hoia Maori kua riro kite Pakanga.

TENEI ra ahau to koutou hoa e nga manu tangi pai ta routou mokai e oku ariki maha i tera wahi i tera wahi o nga nga here maha o nga moutere Maori e tau nei i runga ote moana-nui-a- te mihi atu nei;— , Pena ra koutou ! Tena ra koutou ! Me nga tumanako hohonu kei roto 1 o koutou na ngakau, ko koutou anake nei te matau ana ki tona ahuatanga, ki tona nuinga, ki tona taumahatanga ranei. Tenei hoki ahau te Kopara to koutou hoa iti rawa te pikau nei i runga i te pokohiwi oku mahara maha i etahi tumanako nunui mo te taha whaka-te-wairua, mete taha whaka-te-tangata, timata mai i te hotoketanga o nga tikanga e uhi nei te ao pango 1 runga i te mata o te whenua tae mai ki tenei ra. Kua kore ra e taea te whanga ki nga tohu ote tau. Ko ahau pea kei te ponana, kei te kipaina e nga haere ote wa. Tena pea he tau tukuroa tenei. Mehemea ra kei te penei kaati ko ahau kei te pohehe. Ina ra tiro ake, kua matohu te Honrenre he tau hou. Te Karoro kua rere whakatuawhenua mete tangi— uaroo. Ko te Weka ia kua kite rawa, a, tenei te kooe nei. Heoi ano ra ta te kukupa ko te ngunguru-u. Pai atu mei kore, no te mea he maunga rongo anake tana e tino ahuareke ai, na konei ra e nga hoa ki taku titiro iho kei te akuto te haere o nga tikanga o tenei wa, na reira ka hoki whakamun te whakaaro, a ka kite iho ki nga tumanako ote ngakau mo te koanga o te tau, mo te ngahurutanga hoki o nga tikanga nunui ara whaka-te-atua, whaka-te-tangata. Mo te a a Atua, kei te tupu rate whakapono i runga ano ito te wa ahua. Titiro ake e nga hoa i runga iou tihi teitei—he pu-repo, he mataa kaahi (gas shells), he peneti, he manu-rere he topito, me era atu tim mea whakawehi kei te ringa, kei te ngakau hoki o te karaitiana e tute ana i a raua karaitiana. He aha tenei ahua. Heoi ra, ko te tumanako mo Henare Wepiha Te Wainohu me ona hoa maha o ta ratou nei mahi e noho mai * 1 te marae ote pakanga, tae mai ki tenei ra kei te tutuki. Ko te tatia whaka-te-wairua ra tena. Otira ko te tumanako kei te ngakau o tena o tena o tatou mo te taha whaica-te-tangata kua tu mai he mea e tangi roimata ai te mengaro mete tin ana tangata, no reira e aku hoa maha He kaha ui Te Kaha, he aha ra i penei ai ? Tera kei te ai-hanga e matau ana. Otira ko te ngakau ote tinana tangata kei konei noa mai o enei mohiotanga whaka-te-atua. Na reira ka tika kia mamae te ngakau marti, a kia tangi te tumanako-huakore. He tau tukuroa ra tenei. Ta tera tu manako ta hau tumanako, taku tumanako, kei hea i roto i tenei ra ? Nga hua hou ote aiotanga kei hea ? Ko hea ra te

marae i hapa i tenei aitua ? Ka ngaro rate momo ote tangata. Na reira, waiho ake ra nga tangi o te wa o te toitutanga o te wao-nni-a-Tane ki roto i te ngakau, engari me tangi i te reo o tenei wa hei whaka-mau-mahara ki o tatou rangatira, ki a koutou tamariki, ki a koutou mokopuna, me o tatou hoa katoa e tu rnai ra etahi i roto i te mura o te ahi ko etahi e takoto mai ra ite marae ote pakanga he koha kite Kingi, he honore kite Atua. Ahakoa ra he tangi tenei na te ngakau marii, e tumanako ana te ngakau me kore e whai koha kite hunga i roto ite mamae mete pouritanga, no reira to koutou hoa, ta koutou mokai e nga manu reo reka, e nga whakaaro nunui i roto i te aroha ka mihi atu tena ra koutou. He tangi kite hunga kua riro kite pakanga. HAERE RA. Ra?igi —“ Blue Eyes.” E pari ra nga tai kite akau E hotu ra, ko taku manawa. Aue ! Haria mai te aroha ki ahau ; Te iwi e, he ngakau tangi noa. Tena ra tahuri mai! E te tau, te aroha! Tenei ra ahau te tangi nei Mo hou ka wehe nei. Haere ra, mahara mai, E te tau, Ida mau ki au. Haere ra ! Ka tuturu ahau ; Hae-re ra! Haere rate Wiwi haere ra ! Haria rate aroha i ahau. Aue ! Me tangi noa ahau i muri nei. Haere rate Wiwi haere ra ! Aue ! Ngaro noa koe e Tama, Nga marae nei. Ko te aroha e Tama E peehi kino nei. Kei Karipori koe e Tama Kei Paranihi. Aue te mamae e Tama. Haere ! Haere ra ! x Kaore hoki e te po nei Te heri wairua mai; He aroha kite Wiwi Ka hinga i pa-mamao. Kei Ihipa koe e Tama, Kei Karipori ra ; Kei Paranihi e Tama. Haere ! Haere ra ! Na P. H. Tomoana, Waipatu.