51

G.—4

I homai e nga kai-piira to ratou rarangi ingoa, hui katoa e wha tekau ma ono tangata, mo tenei piihi. I whakahengia tenei keehi e Mehaka Tokopounamu, iki ia kaore enei tangata i puta mai ite tupuna nei i a Tawhaki, a ko Awatope, te tupuna i whakaaria e ratou, kaore he take ki tenei whenua. I uiuia e matou tenei keehi a mutu noa, a kitea ana kaore ano nga kai-piira me tetahi tangata kotahi ranei o nga kai-korero kia tae ki runga ki tenei whenua o mua iho a e haere nei, ahakoa ki te titiro iho kua nuku ke atu o ratou tau i te ono tekau tae atu ki te whitu tekau tau te kaumatua, kaore nei ano tetahi tangata kotahi o ratou kia noho ki tenei whenua. Kaore matou e marama he take ano to Awatope to ratou tupuna ki te whenua nei, a e tino marama ana ko ratou ake kaore ano i noho ki te whenua ; a ki ta matou whakaaro he waimarie to ratou urunga atu ki te ota i raro ite whakatau ate Komihana tuatahi; no reira e tohutohu penei atu ana matou me hinga ta ratou kereme, me ta ratou piira me whakakore atu. Piira Nama 132.—A Te Whenuanui me etahi atu. Piira Nama 133.—A Te Uwira Aronika me etahi atu. Piira Nama 137. —A Aterea Ngahere me etahi atu. Ko enei piira e toru kaore i whakahaerea, i te mea kaore he tangata kotahi o aua kai-piira i tae mai ki te aroaro o tenei Komihana i ona nohoanga katoa timata mai i te 5 o nga ra o Tihema, 1906, tae mai ki te 28 o nga ra o Maehe, 1907. No reira e tohutohu atu ana matou me whakakore atu enei piira. Piira Nama 136.—A Te Whaiti Paora me etahi atu. Ko tenei piira i unuhia e nga kai-piira, kaore he kai-whakahe ; a e tohutohu atu ana matou me whakakore atu. Ko nga tangata e whitu e mau ake nei nga ingoa i raro, he tangata i kowhiria e nga tangata nona te whenua, i roto i a ratou, hei mema mo te Komiti Hapu mo tenei poraka, a i whakaaetia ano hoki e nga tangata katoa o taua whenua i tae mai ki te aroaro o tenei Komihana i te nohoanga ki Te Whaiti i te 22 o nga ra o Maehe, 1907. 1. Rawiri te Kokau. 5. Te Wharepouri lie Amo. 2. Te Manihera Pahiri. 6. Te Hira Tangohau. 3. Taiwera Rawiri. 7. Wepiha te Whatanui. 4. Eruera Pirihita. GiLBEBT Mair (Tawa). D. F. G. Barclay (Pakere). Paratene Ngata. Otairi Poraka. Piira Nama 141. —A Whata Henare. Piira Nama 142. —A Tamati Waaka me etahi atu. Piira Nama 143.—A Hohepa Poia me etahi atu. Ko enei piira e toru kua oti ake nei te whaikuputia e matou i roto i a matou kupu tohutohu mo runga mo nga piira e pa ana ki Maraetahia Poraka. Gilbert Mair (Tawa). D. F. G. Barclay (Pakere). Paeatene Ngata. Te Whaiti-nui-a-Toi Poraka. I roto i te whakahaeretanga o nga piira tekau ma iwa mo tenei poraka, i huihuia nga piira motuhake a ia tangata wehewehe o te iwi kotahi, o te hapu kotahi ranei, hei keehi huihui, kia kotahi ai te whakahaerenga huihuitanga oia keehi pera hei keehi kotahi. Otira tera ano etahi o enei piira i whakahaerea wehewehetia e matou hei keehi wehewehe e tu motuhake atu ana. Piira Nama 145 me 146. —A Hohepa Poia me etahi atu. Piira Nama 155. —A Parakiri Rawiri me etahi atu. Piira Nama 157.—A Te Whaiti Paora me etahi atu. Piira Nama 162.—A Harehare Aterea me etahi atu. Ko enei piira katoa na Ngati Manawa, a i whakahaerea toputia hei keehi kotahi i raro i o ratou take i whakaarahia mai nei e a ratou kai-korero ki te aroaro o tenei Komihana. Ko te keehi tuatahi tenei i whakahaerea, a e pa ana mo te poraka katoa, me nga wahi o ona rohe e tautohetohetia ana, me nga korero me nga whakahaerenga katoa i o matou aroaro kei roto i nga pukapuka o tenei Komihana e mau ana. Piira Nama 152.—A Hori Wharerangi me etahi atu. Ko te rua tenei o nga keehi i whakahaerea e kereme ana i tetahi wahi nui tonu o tenei poraka mo Ngati Marakoko Hapu i roto i ona rohe i korerotia e Hori Wharerangi; ako nga korero katoa i homai mo tenei keehi kei roto ano hoki i nga pukapuka o tenei Komihana e mau ana. Piira Nama 150. —A Hori Kaperiere me etahi atu. Piira Nama 153 me 154. —A Taniko Iharaira me etahi atu.