I.—3a,

142

Tena koe i raro ite atawhai o te Atua, nana nei ou ra i whakaroa c noho ana 1 runga i te Torona ou tupuna. A c tino tumanako ana matou o tamariki aroha kia whakaroaina atu ano ou.ra c to tatou Matua i te rangi. Ko Niu Tireni hoki to tamaiti tuatahi i whanau mai nei i a koe i muri iho i nga ra o tou whaka-kuinitanga. Aka inoi atu nei hoki matou ki a koe kia atawhaitia c koe to iwi Maori c noho nei i enei Motu i raro ano i to mana. He mea pai, he mea nui rawa hoki, hei tohu mo te roanga o ou ra c Kuini ana mo matou, kia pai koe kite whakaae i tetahi tikanga rahui tuturu, c toe ai te morehu oou matou whenua hei wai-u mo to iwi Maori ake, ake. Ina hoki ote timatanga mai ano o te Koroni tae mai ki naianei nui atu i te ono tekau miriona eka kua riro atu i te Pakeha me te Karauna, c rima ano miriona eka nui atu iti iho ranei c toe ana ki to iwi Maori i naianei Kei te hiahia o iwi Maori kite mahi oranga ano mo ratou i runga i o ratou morehu whenua, i runga i nga huarahi mahi paamu, a ko nga wahi kaore c taea c matou te mahi, kei te whakaae matou kite reti atu i runga i nga huarahi whakanohonoho tangata. Engari kaore o iwi Maori c hiahia ana kia riro atu aua morehu whenua i o matou ringaringa, he mea kua tino mohio matou, heoi nei ano te wai-u mo matou me o matou uri, ake, ake. Kaati, c rite ai tenei inoi ki a koe a o iwi Maori, me paahi rawa he ture hei tino kati, hei tino arai i te Pakeha noaiho me te Karauna kia mutu te hoko i o matou morehu whenua. Kua kore hoki nga raruraru i oho ai nga ngakau o nga iwi c rua i nga ra o mua, kua noho pai i naianei i raro i to maru, penei hoki me nga tini iwi i raro i to mana, c tatua nei i te ao katoa. Heoi, kia ora koe c te Kuini, ma te Atua koe c manaaki, c tiaki, me to whanau, me au Minita, me au kai-whakahaere katoa i raro i to mana. E Ihowa Tohungia a te Kuini. Approximate Cost of Paper. —Preparation, not given ; printing 11,000 coptesi, £82 ss. 6a\

By Authority : John Maokay, Government Printer, Wellington.—lBi)B.

Price 2s. 6d.\