BEWARE O' DANDY POSTMEN!

Western Star, Issue 1353, 11 May 1889, Page 2 (Supplement)

BEWARE O' DANDY POSTMEN!

" A Pair Innocent Lassie " has been reading about what kind o'men some lassies would hae for husbands, and she is gled to see some o' them against the postmen, for they are jist a set o' flirts. She says—l wasna lang in my first situation when I heard a' the servants aboot the doors speakin' aboot the nice young postman that had jist come on. Every morning I used to see them standin' at their windies or at the fit o' their stairs watching for him. If they had attended to their wark it would hae been wiserlike. Weel, ae mornin' I was cleanin' the bell at the fit o' the stair, when owre comes the new postman an' gies me a letter. What a nice chap he was, an' hoo nice he spoke to me. He said I was far bonnier than ony o' the Edinburgh lassies, an' a' that kind o' nonsense. At last we made it up that I was to meet him at tne Post Office at halfpast five on the next Sunday. What a state a' the ither servants were in when they heard I was gaun a walk wi' him on Sunday—especially Jeanie Thamson and Maggie Swan, for they were jist daft owre him. I didna ken what to wear for Sunday, because I hadna richt summer things. So I tock Jeannie Thamson and Maggie Swan into my confidence, an' we made it .up that as my folk were gaun awa' frae hame frae the Saturday till Monday they would come up an' pit me a' richt. So Jeanie and Maggie cam' up about aue o'clock, an' after haeing a bit crack I began to get ready. I put on my mistress's black morning dress, an a white fnr jacket I got a len' o' frae Jeanie, an' I put ane o' my maister's silk pocket-hankies round my neck, an' I put on my mistress's eye-glasses the same way she wore them. I couldna see richt wi' them, so I jist let them hin<* down in front o' my jacket. Then I put on the big straw hat my mistress wore when she went to the country. It was awfu' nice, wi' a lot o' green ribbon bows in front an' a bunch o' red roses at the back. Maggie set twa big feathers on the tap. I had an umbrella that my mistress carried on the awfu' wetj days. Jeanie put a nice green an' red bow on the handle to make it summer-like. I was jist gaun away when I minded I hadna a dress improver, sae Jeanie made ane for me wi' a lot o' auld People's Journals, an, put it on for me. I was up at the Post Office jist in time, but I couldna see hitr. I was jist comin' awa' about six, when he cam' forrit. Hoo grand he was dressed! An' be could tak' aff his hat, too, jist like a gentleman. He said he was awfu' sorry he couldna gang a walk wi' me, because he had to gang into the Post Office as they were very busy, an' he bade me guid nicht. I was in an awfu' state after a' my bother. I was gaun down hamewith again when I thocht, as it was a nice summer nicht, I would jist tak' a walk, so I gaed back to Princes Street — where a' the mashers walk on the Sudday nichte. Hoo proud I felt as I was gaun along, for everybody stopped an' glowered at me! I had up my umbrella, no to keep the sun of me, ye'll observe, but jist to be in the fashion. I think they a' thoct I was ane o' the Prince o' Wales's daughters. I was jist about half-gaits along when wha should I see in frohj;'. but the postman and Maggie Thamson flnd Jeanie Swan hanging on to each o 1 his arms. I was that wild I jist ran forrit an' struck owre the back wi' my umbrella. Then I ca'd Mm everything but a gentleman. I talt him he was "jist a doonricht upstart o' a Queens head penny pestman," ,eckcettry. Then I set on to Maggie an' Jeanie, an' tore aft 7 their bannets, an' was jist gaun to set on them again when some o' the folk pulled me back. As I was strugglin' to get at them doon cam' the bundle o' newspapers that I bad for a bustle 1 I thoct I would hae fainted, for a' the folk laughed an' made a fool o' me. When I think o't it gars me greet. *I canna write ony mair. I hope you'll print this, an' let it be a warning to the rest, f.S, Beware o' the postman,