HE KUPU APITI.
Na te nui o te mahi i roto i te Whare Perehi a te Kawanatanga ka mahue te ra hei putanga mo te Waka Maori nei, ka pahemo etahi ra i muri nei i taua ra katahi ka puta; no konei matou ka whai takiwa hei whakaatutanga ki o matou tini hoa Maori, ko te mahinga atu o te Waka Maori ka whakamutua —te take i mutu ai, na nga mahi ate Whare Runanga ote mQtu. Xte poo te 17 o nga ra o Oketopa nei, ka puta te kupu a te !Riihi kia whakakorea nga moni e £4OO a te Kawanatanga i waiho hei oranga mo te Waka Maori, a whakaaetia ana e te Whare taua kupu—-tokotoru tonu te pahikatanga ake o te hunga turaki, tona tokomahatanga ake i te hunga whakatu, no konei ka kore te Waka nei. Ko tera tangata ko te Riihi, he tangata ia no roto i te hunga e whakahoa ana ki a te Hihana, te " roia a Kahungunu," (e ai ki ta te Wananga ote 7 o Oketopa nei). E tino mohio ana matou akuanei te nui rawa ai te pouri o nga iwi Maori katqa o Niu Tirani ki tenei rongo. Ta matou kupu tenei ki o matou hoa Maori, ara i nga tau te kau ma toru i whakaterea nei e matou tenei Waka, he'oi to matou tino whakaaro ko te ora anake mo te iwi Maori; korero tonu ai matou ki a ratou i nga kupu Pono me nga kupu Tika, a he oranga ngakau no matou te whakapai a nga Maori ki te pai o ta matou mahi me ta ratou whakapono mai ki a matou i roto i aua tau. Ko ta matou kupu tonu tenei, ara "Ko te Tika, ko te Pono, ko te Aroha."
Permanent link to this item
https://paperspast.natlib.govt.nz/newspapers/WAKAM18761017.2.29
Bibliographic details
Waka Maori, Volume 12, Issue 21, 17 October 1876, Page 268
Word Count
301HE KUPU APITI. Waka Maori, Volume 12, Issue 21, 17 October 1876, Page 268
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in