He korero tenei na te Teiri Iwiningi Poihi, he nupepa no Hana Paranahiko, Amerika, e korero ana kite ahua o nga Maori o Niu Tirani nei:— "He iwi kakama, he iwi uekaha te iwi Maori, he iwi whai-matauranga nui i roto i tona hinengaro, he ngakau toa. He iwi whakaaro nui kite whakahaere tikanga; he iwi whai-rawa i ana whenua i ana taonga noa atu; kua whakarite haere hoki i ana ritenga me ana tikanga kia rite ki a te Pakeha. Tokowha nga rangatira Maori kei roto i te "Whare Kunanga o te motu (ara, ko te Paremete), tokorua hoki kua whiwhi nohoanga ki roto kite Whare ki runga, he nohoanga pumau tonu, ake tonu atu. E kaha ana taua iwi kite hapai i nga kura; a, no te korenga e taea e ratou te whakatu i tetahi rangatiratanga motu ke mo to ratou motu, katahi ratou ka whakarere i to ratou reo ake ano ka whakaakona a ratou tamariki kite reo Ingirihi anake. Kaore ano tenei kia ata rite i nga wahi katoa o te motu, engari e pera haere ana te whakaaro—e pera tahi ana te Maori mete Pakeha, ara e whai ana te ngakau kia rite nga tikanga ki ta te ao katoa e pai ana." He korero tenei i tangohia mai i roto i te TereJcarawhi, nupepa o te 28 o Hepetema:—l tu ki Omahu, i te Turei, 26 o Hepetema, te Komiti o te Kura o Omahu, ko te Raka, Kai-whakawa, te Tumuaki whakahaere. Na Eenata, rangatira Maori nei, (o te Upokoiri), nana i whakawhiwhi taua kura kite whenua i ora ai, inahoki e £750 pauna moni o aua whenua e huri mai ana ki taua kura i roto i nga tau katoa. He nui nga tamariki e haere tonu ana ki taua kura, he tohu hoki tenei no te whakaaro nui o nga Maori kite mahi whakaako i tenei whakatupuranga e haere ake nei. He tika kia whakamoemititia te mahi a te Rihina, te Kai-whakaako, raua ko tana wahine—he kaha hoki kite tiaki i nga tamariki, ki te ako hoki. E neke haere ana te mohio o nga wahine kite tuitui; ko nga mea tane hoki e neke haere ana to ratou mohio kite reo Ingirihi. Hei mea rongo nui mo te porowini o Haaki Pei, taua kura Maori; tera pea tona wa e tae ai taua kura ki nga tikanga o runga rawa, e kiia ai hei tino kura o runga rawa e kitea ai nga matauranga nui—inahoki he kura whai-rawa ia hei whakataki haere i a ia.
Permanent link to this item
https://paperspast.natlib.govt.nz/newspapers/WAKAM18761017.2.27
Bibliographic details
Waka Maori, Volume 12, Issue 21, 17 October 1876, Page 268
Word Count
425Untitled Waka Maori, Volume 12, Issue 21, 17 October 1876, Page 268
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in